Oriola Marashi, sopranoja më seksi që keni parë
Sopranoja dhe modelja 21- vjeçare Oriola Marashi po tërheq vëmendjen së fundi në rrjetet sociale, me fotot artistike që poston shpesh, ku bie në sy jo vetëm për bukurinë, por edhe për shtatlartësinë. Ajo ka nisur realizimin e seteve të fotove në bregdetin e Vlorës që në muajt e ftohtë të dimrit me fotografin Endrit Mertiri, ndërkohë që tani ka sjellë tendencën e re të rrobabanjove. Brenda një kohe të shkurtër, Oriola ka arritur t’u bëjë përshtypje kompanive të ndryshme në Shqipëri e vende të botës, të cilat e paguajnë për postimet në këmbim të reklamës që ajo u bën veshjeve apo produkteve të tyre. Edhe pse njihet si fotomodele, shumë pak e dinë që ajo studion për soprano pranë Universitetin e Arteve. Në një nga intervistat e fundit ka rrëfyer se ka 7 vite që merret me muzikë, e që u përkushtohet notave që nga Liceu Artistik e tani në Universitetin e Arteve. Muzikën dhe modelingun i ka ushtruar paralelisht që në moshë të vogël, e ndërkohë që nëse do t’i duhej të zgjidhte mes të dyjave, ajo do t’i thoshte “po” muzikës. Origjina e saj është nga Puka, ndërkohë që është vajza e Xhoi Jakajt, aktualisht drejtoreshë e Burgut të Grave 325, një zonjë shumë aktive në media me botimet e saj studimore. Oriola ka pohuar se vjen nga një familje me ekonomi të mirë, në të cilën s’i ka munguar kurrë asgjë, por gjithmonë duke i mësuar asaj dhe motrës Xhulia që duhet të punojmë për të fituar ato ç’ka kërkojnë në jetë. Sa i takon pamjes dhe shtalartësisë se si reagojnë njerëzit kur e takojnë, ajo përgjigjet për një intervistë: “Më besoni, për ata që më njohin, shtatlartësia ime është gjëja e fundit që i çudit”. Së fundi Oriolën e pamë në klipin e këngëtarit me famë botërore, Jonas Blue, realizuar në Jug të Shqipërisë me titullin “Mama”.