Nuk i hapën rrugën me makinë, i riu i përplas me mjetin e tij
LEZHE- Nuk i hapën rrugën me makinë, tenton t'i vrasë duke i përplasur me shpejtësi me mjetin e tij. Ngjarja që për pak do të përfundonte tragjikisht ndodhi dje në Tale të Lezhës. Policia bëri të ditur se kishte marrë njoftim se në Tale kishte një konflikt. Menjëherë në vendngjarje kanë mbërritur shërbimet policore që kanë konstatuar se midis shtetasit Eden Trokthi, 20 vjeç, banues në Laç, dhe dy kushërinjve me inicialet E. N., 16 vjeç, dhe N. N., 25 vjeç, të dy banues në Lezhë, ka pasur një konflikt të çastit për motive të dobëta. Menjëherë pas debatit verbal, Eden Trokthi ka tentuar të vrasë shtetasit e lartpërmendur, duke përplasur me automjetin e tij me shpejtësi të lartë me dashje dhe në mënyrë të drejtpërdrejtë me automjetin e ndaluar të shtetasit 25vjeçarit N. N. Në atë moment pranë automjetit e tij kanë qenë shtetasit N. N. dhe E. N., të cilët në momentin e përplasjes kanë mundur të shmangen, duke mos pësuar lëndime. "Si pasojë e përplasjes ka pësuar dëmtime të lehta vëllai i shtetasit N. N., i cili ka qenë brenda në automjet dhe pas ndihmës mjekësore në spitalin rajonal Lezhë është dërguar në banesën e tij. Në vendin e ngjarjes janë gjetur dhe sekuestruar në cilës- inë e provës materiale automjetet e lartpërmendura të dëmtuara. Shtetasi Eden Trokthi nuk ishte i pajisur me leje drejtimi. Arrestimi i tij u bë për veprat penale ' vrasje' e mbetur në tentativë, ' shkatërrim prone' dhe ' drejtim mjeti në mënyrë të parregullt', parashikuar nga nenet 76/ 22, 150 dhe 291 dhe të Kodit Pe- nal. Materialet procedurale do t'i kalohen për ndjekje të mëtejshme Prokurorisë së Rrethit Gjyqësor Lezhë", thuhej në njoftimin e Policisë. Sipas burimeve, 22- vjeçari e ka përplasur me vetëdije makinën e personave të tjerë, pasi ata ishin ndaluar në mes të rrugës dhe nuk hapnin rrugë që ai të kalonte.