RAPORTI I TASK- FORCËS

SHITBLERJA E VOTËS

Pranë zyrës së zëvendëskryeministrit, ka ardhur njoftimi që shtetasit e mëposhtëm po kryenin shpërndarje parash në zona të ndryshme të Korçës si më poshtë: 1. Kliton Kita me detyrë Drejtor i Taksave, bashkia Korçë; 2. Enver Shahinas me detyrë Drejtor i INUV, bashkia Korçë; 3. Andi Sula punonjës në ZVRPP, Korçë; 4. Solien Prifti me detyrë Drejtor në bashki; 5. Petrika Tollkuci me detyrë Drejtor i ISKSH; 6. Fioralba Vukatana me detyrë Drejtore e Arkivës, Korçë; 7. Erion Qelemeni me detyrë Drejtor i Drejtorisë së Pyjeve Korçë; 8. Artur Qeramixhiu në Dvoran; Në njësinë administrative Pirg, Podgorie dhe Maliq, shtetasit e mëposhtëm: 1. Luan Riska punonjës i Drejtorisë së Bujqësisë Podgorie; 2. Vasillaq Cinoku me detyrë nënkryetar i Bashkisë Maliq; 3. Florenc Tabaku në Vashtemi; 4. Kleanthi Mingo në Pirg; 5. Besmir Kulla me detyrë inspektor tatimesh; 6. Pranvera Begolli në lagjen Nr. 3 Maliq; Për të gjithë këta shtetas është pretenduar nga informacioni i ardhur që po ofrojnë para dhe po përdorin funksionin e tyre publik për veprimtari politike ose zgjedhore.

Këtë informacion, zyra e zëvendëskryeministrit e ka përcjellë nëpërmjet e- mailit pranë Drejtorisë së Përgjithshme të Shtetit, me qëllim verifikimin dhe marrjen e masave të menjëhershme. Policia e Shtetit nuk ka kthyer përgjigje nëse është verifikuar rasti apo jo. Gjithashtu, rasti është referuar dhe në Prokurori, e cila ka njoftuar regjistrimin e çështjes penale.

Rekomandohet që fenomeni i zhvlerësimit domethënës të monedhës euro mes datave 19.05.2017 deri në 27.06.2017 të analizohet në mënyrë të thelluar dhe të koordinuar nga institucione kompetente si INSTAT, DPPP dhe Banka e Shqipërisë apo dhe institucione të tjera kompetente, për të analizuar shkaqet dhe për të vlerësuar nëse kjo rënie e monedhës euro është e lidhur me përdorimin e saj në mënyrë informale për shitblerjen e votave apo vepra të tjera penale në fushën e zgjedhjeve.

MBI VEPRIMTARINË E TASK- FORCËS

1. VKM për monitorimin e zgjedhjeve në administratën publike, u miratua më datë 01.06.2017, pasi kishte filluar fushata zgjedhore.

2. Task – Forca, e ngritur për monitorimin e zbatimit të VKM nr. 473/ 2017, u konstituua më datë 5 qershor 2017. Kjo strukturë kishte në dispozicion vetëm 20 ditë për realizimin e monitorimit dhe koha e shkurtër pamundësoi një monitorim efek- tiv, duke penguar në këtë mënyrë parandalimin e abuzimeve me pushtetin dhe pasojave të tjera negative në zgjedhje. Gjithashtu, Task- Forcës nuk iu vunë në dispozicion mjetet e nevojshme financiare apo logjistike, për të kryer një proces real monitorimi.

Të gjitha këto shkaqe, bënë të vështirë, deri në pamundësi, përmbushjen e misionit të ngarkuar.

3. Në mbledhjet e Task- Forcës nuk kanë marrë pjesë në asnjë mbledhje ministrat e maxhorancës anëtarë të Task- Forcës. Nuk kanë marrë pjesë përfaqësuesi i Prokurorisë dhe KQZ, në cilësinë e subjekteve të ftuara.

4. Ministritë dhe Institucionet e varësisë kanë ngritur grupet e monitorimit, por në shumicën e rasteve nuk kanë treguar procedurën e monitorimit dhe efektivitetin e saj.

5. Informacioni nuk është përcjellë në formën e kërkuar dhe në cilësinë e duhur, duke penguar diskutimin e problematikave në mbledhjen e Task- Forcës, sa i takon objektit të monitorimit. Madje nga monitorimi i kryer drejtpërdrejt nga TaskForca për disa nga rastet e denoncuara, ka rezultuar se informacioni i përcjellë ka qenë i pavërtetë, duke e bërë të dyshimtë edhe besueshmërinë e të dhënave të tjera të raportuara nga këto ministri.

6. Ministrat teknikë janë përballur me mungesë të vullnetit politik të demonstruar nga pengesa artificiale në ushtrimin e detyrës së tyre në funksion të monitorimit, të krijuar nga nëpunës civilë apo funksionarë politikë, të cilët kishin si qëllim të pengonin punën e ministrave në zbatim të VKM 473/ 2017. Departamenti i Administratës Publike dhe veçanërisht KMSHC si një organ i pavarur, kanë mbajtur një qëndrim tërësisht të njëanshëm dhe mbështetës për sjellje të tilla penguese nga nëpunës civilë të nivelit të lartë.

MBI ECURINË E PROCESIT ZGJEDHOR

1. Janë angazhuar në mënyrë masive burime të dyshimta financiare në shitblerjen e votës nga subjekte politike të maxhorancës ose persona të lidhur me këto subjekte, e raportuar kjo nga ana e Ministrisë së Punëve të Brendshme, ndërkohë që Drejtoria e Parandalimit dhe Pastrimit të Parave nuk ka raportuar raste të tilla. Kursi i këmbimit i monedhës euro kundrejt asaj lek, referuar Bankës së Shqipërisë, duke filluar nga data 19.05.2017 ka pësuar rënie domethënëse deri në datë 27.06.2017, pas së cilës ka nisur përsëri rivlerësimi i euros, duke arritur kështu nivelin më të ulët prej shumë vitesh.

2. Janë angazhuar grupime të njohura kriminale në mbështetje të subjekteve politike të maxhorancës në fushatën elektorale veçanërisht në qarqet Durrës, Shkodër, Lezhë, Dibër, Elbasan, Tiranë, Berat, Fier dhe Gjirokastër.

3. Punonjës të Policisë së Shtetit kanë mbështetur subjekte elektorale të maxhorancës në bashkëpunim me elementë kriminalë. Pavarësisht kërkesave të njëpasnjëshme të Ministrit të Punëve të Brendshme, drejtori i përgjithshëm i Policisë së Shtetit ka refuzuar marrjen e masave ndaj punonjësve të implikuar.

4. Në Ministrinë e Punëve të Brendshme, nga ana e qytetarëve kanë mbërritur 484 denoncime lidhur me veprat penale në fushën zgjedhore, të cilat u janë përcjellë për trajtim Policisë së Shtetit, ku kjo e fundit, vetëm 69 prej tyre i ka adresuar në Prokurori.

5. Rezulton fenomen i përhapur shitblerja e votës. Nga 484 denoncimet e mbërritura në MPB, 315 raste i përkasin ‘ Korrupsionit aktiv dhe pasiv në zgjedhje’, për të cilat

Policia e Shtetit nuk ka dhënë informacion lidhur me masat e marra për verifikimin e tyre. Policia ka dështuar të japë një shifër të saktë të çështjeve të adresuara në Prokurori për shitblerjen e votës gjatë fushatës elektorale, por ka raportuar vetëm 10 raste të verifikuara dhe të dërguara për veprime të mëtejshme në Prokurori në ditën e zgjedhjeve.

6. Në procesin e shitblerjes së votës janë përfshirë punonjës të administratës të nivelit të lartë dhe punonjës të policisë, për të cilët pavarësisht denoncimeve, nuk është arritur të vihen para përgjegjësisë.

7. Nga institucionet shtetërore, kryesisht ministra teknikë, janë dërguar në organin e Prokurorisë rreth 110 raste të dyshuara për kryerje të veprave penale në fushën e zgjedhjeve, të cilat janë në proces hetimi.

8. Koordinimi mes Policisë së Shtetit dhe Ministrive nuk ka qenë në nivelin e duhur sa i takon monitorimit të veprimtarisë së administratës gjatë fushatës elektorale, përfshirë dhe ditën e zgjedhjeve në zbatim të masave operacionale të miratuara nga Task- Forca.

9. Puna e Policisë së Shtetit në parandalimin e korrupsionit zgjedhor dhe parandalimin e angazhimit të grupimeve kriminale në procesin zgjedhor, për shkaqe objektive dhe subjek-

Rekomandohet që fenomeni i zhvlerësimit domethënës të monedhës euro mes datave, 19.05.2017 deri në 27.06.2017, të analizohet në mënyrë të thelluar dhe të koordinuar nga institucione si INSTAT, DPPP dhe Banka e Shqipërisë apo dhe institucione të tjera kompetente, për të analizuar shkaqet dhe për të vlerësuar nëse kjo rënie e monedhës euro është e lidhur me përdorimin e saj në mënyrë informale për shitblerjen e votave apo vepra të tjera penale në fushën e zgjedhjeve

tive, ka qenë joefektive.

10. Është përdorur veprimtaria institucionale për qëllime elektorale dhe politike. Përvetësimi i veprimtarisë shtetërore nga kandidatë për deputetë, ka krijuar një pabarazi midis forcave politike pjesëmarrëse në zgjedhje.

11. Është konstatuar përdorimi i aseteve në mbështetje të subjekteve elektorale nga ministri, institucione varësie dhe bashkitë. Janë përdorur gjithashtu aktivitete në

kopshte, shkolla, inaugurimi i shesheve dhe rrugëve për fushatë elektorale të subjekteve elektorale në qeverisje, si dhe në ditën e heshtjes zgjedhore janë shpërndarë ftesa për të votuar subjekte elektorale të maxhorancës në kundërshtim flagrant me Kodin Zgjedhor. Shkolla, kopshte, ambiente të institucioneve, janë vënë në dispozicion të subjekteve elektorale të mazhorancës.

12. Është konstatuar dhënia e privilegjeve të ndryshme gjatë fushatës elektorale, si pajisja me certifikatë pronësie, legalizimit, premtimi i vendeve të punës, premtimi i

vlerësimit kalues ose më të lartë gjatë procesit të maturës shtetërore, etj.

13. Gjatë këtij viti elektoral janë tenderuar vlera, të cilat tejkalojnë disa herë buxhetin e miratuar të një ministrie të caktuar.

14. Nëpunës të administratës publike, të regjistruar si kandidatë në zgjedhje, nuk kanë përmbushur detyrimin për të kërkuar pezullimin apo largimin nga detyra.

15. Nëpunës të administratës publike, në kundërshtim me ligjin, janë përfshirë në fushatë zgjedhore, në mbështetje ndaj subjekteve elektorale të maxhorancës apo në intimidim të votuesve apo punonjësve në varësinë e tyre, duke u shërbyer në këtë mënyrë forcave të caktuara politike.

16. Ka rezultuar se raste të përfshirjes së administratës në fushatë të jenë evidentuar vetëm në ministritë apo drejtoritë e drejtuara nga ministra/ drejtorë teknik. Pothuajse nuk ka pasur asnjë raportim për raste të tilla nga ministritë apo institucionet e tjera.

Madje edhe në rastet kur është adresuar nga ana e një ministri në një institucion varësie, sërish nuk është marrë asnjë masë, pavarësisht se provat kanë qenë të pakontestueshme.

17. Gjatë fushatës zgjedhore, sipas të dhënave zyrtare nga ana e organeve tatimore, janë kryer rreth 3600 lëvizje të burimeve njerëzore në administratën publike në kundërshtim me nenin 88 të Kodit Zgjedhor. Në të gjitha rastet e verifikuara nga

Task- Forca ka rezultuar që vetdeklarimet nga institucionet e monitoruara kanë qenë të rreme. Kjo çështje është adresuar në prokurori nga zv. kryeministri, ndërkohë që është penguar nga protokolli i kryeministrisë për veprime të mëtejshme.