Dinamo “djersin” ndaj Skënderbeut, gol në shtesë

Gol i anuluar padrejtësisht, Latifi nderon korçarët, Shehi hero

Skënderbe madhështor në Zagreb. Ndodh shumë rrallë që një barazim si ai i djeshmi, mos të të kënaq.

Por kështu ngjau me korçarët, të cilët me gjithë atë lojë të mirë që zhvilluar në stadiumin "Maksimir", u ndëshkuan në limit. Ishin vetëm pak sekonda larg fitores së artë, e cila i jepte shansin e madh për të qenë një hap larg fazës së grupeve, por sa fati, aq edhe pakujdesia apo mungesa e eksperiencës, sollën atë barazim fatal. Por, pjesa e "faturës" i mbetet gjyqtarit, i cili në mënyrë krejt absurde dha 5 minuta shtesë, në një kohë kur nuk ndodhi asnjë vonesë. Ky 90 minutësh nuk mund të kthehet më pas. E megjithatë,

rezultati madhështor nuk do harrohet lehtë dhe mbi të gjitha fakti që Skënderbeu jo vetëm luajti si i barabartë, por e futi në kolaps Dinamon. Morën atë që shpresuan, paçka se mundësitë ishin për më shumë. Historia mund të përsëritet, por që kjo të ndodhë, bardhekuqve u mbetet për detyrë që të bëjnë "kampionin" edhe në Elbasan. AVANTAZHI I ARTË Dinamo zbret në fushë pa Sudanin dhe me një Çoriç të gjymtuar, ndërkaq Skënderbeu kishte luksin që në fushë të hidhte më të mirët. Daja guxon, ndërsa i beson majën e sulmit Soues, një lojtar që ka vetëm një javë që stërvitet. Ngacmimet e para vijnë nga Dinamo, por as Hoxhiç dhe as Moro, nuk krijojnë rrezikshmëri. Skënderbeu tregon veten në të 14- n dhe me një kroat te Radas, i cili shkarkon të djathtën me një goditje dënimi, por grushtimi i Livakoviçit shpëton portën. Ky rast i jep më shumë besim korçarëve, që arrijnë të bllokojnë më së miri manovrën sulmuese të vendësve. Në të 29n Gavazaj humb topin në zonë, por gjuajtja e Lecjaks përplasjet në trupin e Radasit. Atëherë kur nuk pritej, Skënderbeu "trondit" stadiumin. Në të 37- n Gavazaj ndërmerr një kundërsulm të shpejtë nga e djathta dhe shërben për Latifin në zonë, gjuajtja e mesfushorit përplaset në trupin e portierit, por për fat topi rikthehet sërish në këmbët e kosovarit, që nuk gabon dhe e shtyn në rrjetë. 0- 1 për Skënderbeun. Pjesa e parë mbyllet me një tjetër rast të Latifit, por këtë herë nuk e mposht dot Livakoviçin. BARAZIMI DRAMATIK

Ndeshja rinis pa ndryshime në formacione, por me Skënderbe agresiv. Soue tregon veten në të 46- n, ndërsa në të parin rast serioz që kishte, shënoi. Festa mbetet në tentativë, pasi vijërojtësi sinjalizon pozicion jashtë loje dhe këtë herë vendimi është i drejtë. Pak sekonda më pas është Dinamo që rrezikon me anë të Hoxhiç, por Shehi është i pakalueshëm. Vendasit e zhvendosin lojën në të djath- të, ku Mici has vështirësi i lënë i vetëm nga Latifi. Kroatët fitojnë terren dhe sulmojnë pambarimisht, por finalizimi lë për të dëshiruar. Në të 51ën Fernandes godet me kokë, por topi përfundon mbi tra. Minuta paniku në të 54- n. Gjuajtja e Stojanoviç, nuk kontrollon dot nga Shehi, por për fatin e Skënderbeut, Hernandez nuk arrin të devijojë. Skënderbeu është më i tërhequr dhe në këtë moment futet në lojë, Daja, i cili bën disa lëvizje. Nxjerr Osmanin për Xhejmsin, duke këmbëngulur për fitoren. Afrikani i sapofutur në fushë nuk arrin që të japë si duhet topin te Latifi. Dinamo kërkon golin, por janë të pasaktë. Minutat kalojnë dhe presioni rritet, e megjithatë Shehi bën mrekullinë, jo vetëm në të 80- n pas një gjuajtjeje të Moros, por edhe më pas të Hernikes, me një superpritje. Megjithatë, e pabesueshmja ndodh në sekondat e fundit të minutës së 94- t. Një goditje dënimi e Fernandes devijohet nga Henrikez, Shehi nuk e bllokon dot topin. Ndërhyrja e Jashanicës ishte e vonuar, pasi "sfera" e kishte kaluar vijën fatale. Ndeshja në Zagreb mbyllet me shifrat 1- 1 dhe tashmë verdikti final do të jepet të enjten tjetër në "Elbasan Arena".