SHKELJET KRYESORE
• Përgjegjësitë ligjore në zinxhirin e sigurisë ushqimore, karakterizohen nga dublime, shmangie dhe moseficencë • Ligji "Për Ushqimin" në vetvete ka raste që nuk përcakton qartë elementë të veçantë dhe të rëndësishëm të sigurisë • Këshilli i Ministrave, 9 vjet pas hyrjes në fuqi të ligjit për ushqimin, nuk ka nxjerrë aktet nënligjore për 7 prej tyre nga 12 gjithsej si dhe Qeveria nuk ka arritur objektivat e saj afatshkurtra të përcaktuara deri në fund të vitit 2015 • AKU zhvillon aktivitetin e tij pa Rregullore të brendshme dhe pa u mbikëqyrur nga bordi • Ka pasur lëvizje të shpeshta të drejtorëve të përgjithshëm, drejtorëve të drejtorive, rajonale • Ka munguar veprimtaria e mirëfilltë e AKU- s për analizën e riskut në nivel drejtorie, sektori dhe specialistësh • AKU nuk disponon të dhëna mbi listën e operatorëve të biznesit ushqimor të regjistruara me TVSH, të cilët kanë të detyrueshme licencimin • Mungon plotësisht ose pjesërisht performanca e një numri të konsiderueshëm specialistësh • Ministri i Bujqësisë, në kundërshtim me ligjin për nëpunësin civil, ka ndërhyrë në dy raste • Emërime në kundërshtim me ligjin nr. 152/ 2013, "Për nëpunësin civil" • Largime nga puna, të cilat kulmojnë në vitin 2014 me ikjen e afër 33 % të të gjithë stafit dhe specialistëve • AKU nuk ka një shpërndarje racionale të subjekteve për inspektor sipas sektorëve në shkallë vendi • Mungesa e përfshirjes në programin e inspektimeve të bizneseve të reja ushqimore • Ka shpërpjesëtime të theksuara inspektimi midis rajoneve të biznesit ushqimor • Urdhri i ministrit për kontrollet ka shfaqur probleme në praktikë • AKU nuk ka një përshtatje në numër dhe të profesioneve me origjinën e produkteve të importuara • Mungon infrastruktura e domosdoshme për të garantuar siguri dhe besueshmëri në rezultatet e analizave të mostrave • Inspektorët nuk kanë dijeni mbi listën e laboratorëve të certifikuar për mallrat e importuara • Nuk ka planifikim inspektimesh në bazë risku, mungesë monitorimi dhe nuk ka prirje të rritjes së numrit të inspektimeve • Ulje të cilësisë së inspektimit dhe vështirësim të procedurave • Inspektorësh, profesioni i të cilëve nuk ka lidhje me fushën e sigurisë ( trajnime sporadike. Inspektorët nuk i janë nënshtruar testimit profesional fillestar) • Mungojnë mjetet e transportit, pajiset e domosdoshme për ruajtjen dhe transportimin e mostrave, si dhe mbështetja me analiza laboratorike për çdo rajon.