Struktura e re, agjencitë dhe drejtoritë që shkrihen “Qeverisje e vjetër, do nisë revolta”
Agjencia e Titujve të Pronësisë te Ministria e Brendshme
Qeveria “Rama 2” do të ketë jo vetëm më pak ministri, por edhe një shkrirje të disa strukturave dhe agjencive që kanë pasur një numër të vogël punonjësish dhe të cilat nuk kanë qenë plotësisht funksionale.
Ish- zëvendëskryeministri Niko Peleshi, i cili ishte pjesë e grupit të punës për rishikimin e strukturës së institucioneve dhe agjencive ekzistuese, prezantoi para Asamblesë së PS edhe modelin e ri, sipas të cilit pritet të organizohen institucionet dhe agjencitë në të gjithë vendin. Pas analizimit të 500 institucioneve, grupi i punës së PS propozoi që nga 141 agjenci ekzistuese, të ngelen vetëm 104 të tilla. Grupi i punës ka konstatuar se disa prej agjencive funksiononin me stafe me më pak se 10 persona, ndaj edhe rekomanduan shkrirjen e tyre. Në propozimet për rishikimin e strukturës së institucioneve dhe agjencive ekzistuese binte në sy organizimi në nivel rajonesh dhe më konkretisht vendi organizohej në 4 rajone. Niko Peleshi e shpjegoi këtë formë organizimi duke e lidhur me reformën territoriale. “Për sa i përket organizimit rajonal, për ata që nuk janë të informuar, ne jemi duke marrë një reformë territoriale, kemi organizuar territorin e Shqipërisë sipas pikëpamjes zhvillimore në 4 rajone të mëdha. Po tentojmë që institucionet tona, atje ku është e mundur, t’i grupojmë mbi bazë rajonesh”, tha Peleshi.
NDRYSHIMET Dy nga drejtoritë më të rëndësishme, ajo e Doganave dhe Tatimet, do të shkrihen në një Agjenci të vetme, e cila do të quhet Agjencia Kombëtare e të Ardhurave. Në Ministrinë e Shëndetësisë pritet të shkrihen 11 drejtori të Autoritet Shëndetësor Rajonal, ndërsa funksionet e tyre do t’i kryejnë 4 agjenci të Sistemit Shëndetësor Rajonal. Gjithashtu do të ketë edhe 4 drejtori të Sigurisë së Cilësisë së Arsimit Parauniversitar. Këto 4 drejtori që pritet të krijohen, do të ushtrojnë funksionet aktuale të 13 Drejtorive Arsimore Rajonale. Në Ministrinë e Zhvillimit Urban shkrihet Enti i Banesave dhe krijohet Fondi i Strehimit, ndërkohë që drejtoria e ALUIZNI- t do të integrohet bren
Kryetarja e LSI, Monika Kryemadhi, deklaroi se nga emrat e qeverisë nuk kishte asgjë të re. Sipas Kryemadhit, vendi po shkon drejt humbëtirës ekonomike dhe shpirtërore, pasi qeveria që qëndroi në pushtet me votat e blera nuk mund të ofrojë asnjë zgjidhje. “Forcë e re qeverisëse?! E vetmja gjë e re në këtë qeveri të re me qeverisje të vjetër do të jetë fakti se Shqipëria po shkon drejt humbëtirës së pandalshme! Dhe jo vetëm ekonomike, por edhe shpirtërore. Sepse ‘ Qeveria e re’ e kryeministrit të vjetër, me votat e blera nga paratë e krimit, nuk është dhe nuk do të jetë më gjë tjetër tashmë, përveçse një instrument me pak ministri, ku secila do të ketë si komanduese të saj bandën përkatëse që grabiti me ‘ sukses’ votat”, tha Kryemadhi. Kryetarja e LSI u shpreh e bindur se revolta dhe protestat do të shpërthejnë. “Për një gjë jam e bindur, se revolta e madhe popullore do të fillojë, së pari, nga vetë socialistët. Prandaj protesta, indinjata, zhgënjimi dhe klithma e popullit do jetë makthi i tij dhe forca jonë”, u shpreh Kryemadhi. da agjencisë së re të titujve të pronësisë. Në Ministrinë e Brendshme krijohet Agjencia e Mbrojtjes Civile, që përfshin kompetencat e emergjencave civile dhe rezervave materiale. Në këtë ministri do të kalojë në varësi Inspektorati i Mbrojtjes së Territorit, IKMT. Edhe Shërbimi Social Shëndetësor, që më parë ishte kompetencë e Ministrisë së Mirëqenies Sociale, do të riorganizohet. Nga 12 drejtori aktuale pritet të jenë vetëm 4 të tilla në nivel rajonesh. Modeli i ri i organizimit të institucioneve dhe agjencive pritet të merret në konsideratë nga ministritë e reja. Në raportin e hartuar nga grupi i punës nuk kishte një përllogaritje të numrit të punonjësve që preken nga ndryshimet e bëra dhe shkrirja e strukturave të caktuara.