Mbape kryen vizitat, PSG çmend merkaton e verës
Si po prishen rregullat e lojës, "Mr 300- milionëshi" s'është larg
Kilië Mbape ka bërë një tjetër hap drejt zyrtarizimit me PSGnë, ndërsa ka kryer vizitat mjekësore me klubin e ri në bazën stërvitore të kombëtares franceze "Clairefontaine".
Marrëveshja mes Monakosë dhe PSG- së për transferimin e sulmuesit 18vjeçar është arritur që ditën e diel. Për t'i shpëtuar "fair play financiar", sepse kanë transferuar edhe Nejmarin për 222 milionë euro nga Barcelona, presidenti i parizienëve, Naser Al- Khelaifi, ka gjetur gjuhën e përbashkët me Monakonë për huazimin e Mbapesë për një sezon në "Parc des Princes" me opsionin e të drejtës së blerjes në verën e 2018-ës për 155 milionë euro plus 25 milionë bonuset ( 180 milionë euro në total). Nëse marrëveshja do të ishte me detyrim blerjeje, atëherë ajo nuk do të mund të ndodhte dot kurrë, sepse UEFA nuk do ta lejonte. Por, me këtë formulë, kapërcehet edhe kjo pengesë e fundit. PSGja i ofronte futbollistit 15 milionë euro rrogë në vit, një shifër që asnjë klub si Reali i Madridit, skuadra e preferuar e talentit francez, nuk e arrinte dot, edhe pse kishte një akord me babanë e futbollistit. Tani, presidenti i PSG-së, Naser AlKhelaifi, ka tri vite kohë për të justifikuar shifrat e çmendura të shpenzuara këtë verë. Dhe radha e atyre që duhet të bëjnë gati valixhet për të dalë nga "Parc Des Princes" nuk është e vogël. Francezja "Le Parisien" shkruan se PSG- ja do të jetë e detyruar që të shesë të paktën pesë futbollistë për të rregulluar bilancin financiar në përputhje me normat e "Fair Play"- t. Bashkë me transferimin e Nejmarit për 222 milionë euro nga Barcelona, merkatoja e PSG- së këtë sezon ka thyer çdo rekord: 402 milionë euro për vetëm dy futbollistë dhe të mendosh që këto shifra nuk i paguajnë më klubet më të mëdha botërore të traditës: Reali, Barcelona, Bajerni, Mançester Junajtid, por ato që financohen nga sheikët. "Unë nuk mendoj se Nejmar nuk e meriton shifrën, e cila është paguar për të. Por unë di të them se pas këtij transferimi, merkatoja nuk do të jetë më e njëjta. Lojtarë mesatarë do të transferohen për 80, 90 apo 100 milionë euro", tha një si Zhoze Murinjo, i cili, në fakt, nuk është se nuk shquhet për lojën e blerjeve të shtrenjta. Për kategorinë e Klopit apo Vengerit, shifra të tilla janë të papranueshme dhe ata akuzojnë UEFA- n për mekanizmin e dështuar të "fair play financiar". Çmenduria e milionave ka nisur dhe as mos guxoni ta kaloni nëpër mend se çfarë na pret në të ardhmen! "Mr 300- milionëshi" nuk është larg....