POLICIA MONITOROI BREGDETIN
Vetëm pak ditë më parë, policia shqiptare njoftoi se kishte nisur një aksion për monitorimin e zonës bregdetare në lidhje me aktivitetin kriminal të trafikimit të drogës. “Operacion masiv për kontrollin e zonës bregdetare, me qëllim evidentimin dhe goditjen e trafikut të lëndëve narkotike, që mund të kryhen nëpërmjet kufirit detar. Operacioni po zhvillohet nga toka, deti dhe ajri, duke koordinuar veprimet midis forcave pjesëmarrëse në operacion. Operacioni është i shtrirë nga grykëderdhja e lumit Buna në Shkodër, deri në Kepin e Qefalit, Butrint. Në këtë operacion janë përfshirë 1140 forca policore, 10 mjete lundrues, 30 automjete si dhe helikopteri i policisë”, deklaronte policia pak ditë më parë.
Një sasi e konsiderueshme droge u kap dje nga policia italiane, ndërsa policia shqiptare mohoi që ngarkesa të jetë nisur nga vendi ynë. Bëhet fjalë për 2322 kilogramë lënde narkotike të sekuestruar nga Guardia di Finanza, në zonën e San Benedetos.
Nga ana tjetër, mes dy personave të arrestuar për këtë ngjarje, policia pranoi se ësh- të edhe një shtetas nga Shqipëria. Lajmi është publikuar mëngjesin e djeshëm, fillimisht nga mediat italiane, ndërsa më pas, policia shqiptare doli me një reagim zyrtar në lidhje me ngjarjen. “Në lidhje me një sasi prej 2322 kg lënde narkotike të sekuestruar nga GdF në zonën e San Benedetos, Itali, ju informojmë se gomonia oqeanike ka mundur të shkarkojë në breg të detit lëndën narkotike dhe është larguar në ujerat detare mes Kroacisë dhe Malit te Zi, duke i shpëtuar ndjekjes së skuadrave të GdF”, bëri me dije Drejtoria e Përgjithshme e Policisë në Tiranë. NDJEKJA E GOMONES
Bazuar në informacionin e shkëmbyer me palën italiane, policia shqiptare theksoi dje se skuadrat e GdF, në afërsi të bregut në zonën e San Benedetos, kanë sekuestruar lëndën narkotike të hedhur nga gomonia në një sasi prej 2322 kg, e dyshuar marijuanë dhe 625 litra benzinë. Efektivët e policisë italiane kanë arrestuar edhe dy persona, të cilët ishin me një Gomonia, e cila transportoi 2.3 tonë marijuanë të sekuestruar në një operacion antidrogë të Guardia di Financa në zonën e San Benedetos, në Itali, ka arritur të arratiset dhe t’i shpëtojë ndjekjes së policisë. Dyshimet janë se një gomone oqeanike ka shkarkuar në afërsi të bregut lëndën narkotike dhe është larguar në ujërat detare mes Kroacisë dhe Malit te Zi duke i shpëtuar ndjekjes së autoriteteve detare italiane. Policia italiane ka dhënë për policinë shqiptare edhe foto të ndjekjes së mjetit lundrues që ka transportuar drogën. Në imazhet e publikuara nga policia, duket edhe një pjesë e itinerarit që ka ndjekur gomonia. furgon, gati për të transportuar lëndën narkotike, konkretisht: shtetasi shqiptar rezident në Itali, me iniciale K. D, 24 vjeç dhe shtetasi italian R. A. 63 vjeç.
HETIMET Burimet zyrtare nga policia e shtetit kanë thënë se nuk ka të dhëna për nisjen e drogës nga Shqipëria. “Vijojnë hetimet e përbashkëta Itali- Kroaci- Mali i Zi dhe Shqipëri, ku ka një shkëmbim intensiv të informacioneve me policinë italiane dhe Guardia di Finanza për hetimin e rastit, por nuk ka elementë që lidhin këtë rast trafikimi me Shqipërinë”, thu- het në deklaratë. Sipas saj, gomonia ka mundur t’i shpëtojë ndjekjes që ka zgjatur disa orë, derisa ka humbur gjurmët në ujërat mes Kroacisë dhe Malit të Zi. Policia bënte me dije se po vijon kontrolli në det për gjetjen e gomones dhe arrestimin e trafikantëve. Mediat italiane shkruanin ditën e djeshme se rrjeti i drogës u zbulua pas disa përgjimeve telefonike që flisnin për mbërritjen e një ngarkese të madhe me marijuanë nga Shqipëria, por ky fakt, siç duket edhe nga deklarata zyrtare, është mohuar prej policisë shqiptare.