Kosova kapërcen krizën, PAN bashkohet me Pacollin
Brenda një jave formohen institucionet, ja marrëveshja
Formimi i institucioneve të Kosovës mund të realizohet brenda një jave, pas arritjes së një marrëveshjeje koalicioni mes PDK- AAK- Nisma dhe AKR- së së Behgjet Pacollit.
Marrëveshja u nënshkrua pas largimit të AKR- së nga koalicioni me LDK- në. Behgjet Pacolli, Kadri Veseli, Ramush Haradinaj dhe Fatmir Limaj kanë nënshkruar marrëveshjen sipas së cilës, AKRsë do t'i takojnë pesë ministri dhe pozita e zëvendëskryeministrit të parë. Sipas mediave të Kosovës, AKR do të marrë Ministrinë e Jashtme, të Brendshme, të Planifikimit Hapësinor, të Bujqësisë, të Zhvillimit Ekonomik, si dhe shtatë poste zëvendësministrash. Po ashtu flitet që marrëveshja parasheh edhe mundësinë që Behgjet Pacolli të zgjidhet President në mandatin e ardhshëm. "PAN dhe AKR- ja dakordohen që posti i Presidentit të Kosovës t'i takojë AKR- së në mandatin e ardhshëm, pavarësisht mënyrës së votimit, qoftë përmes votimit në Parlament, qoftë përmes votimit të drejtpërdrejtë nga populli. Partitë e koalicionit PAN dakordohen që të mos kenë kandidat të tyre për President të vendit duke u obliguar që ta mbështesin kandidatin e AKR- së", thuhet në marrëveshje. DEKLARATA E HARADINAJT Kandidati për kryeministër nga koalicioni PAN dhe AKR, Ramush Haradinaj, tha se koalicioni me partinë e Pacollit i sjell Kosovës startin e nevojshëm. Haradinaj ka deklaruar se përgjegjësitë janë ndarë në bazë të vlerave, dhe se vonesat në krijimin e institucioneve kanë qenë shumë të rënda. "Jemi të vetëdijshëm për punët, por së bashku do t'ia dalim", tha ai. QËNDRIMI I VESELIT Kreu i PDK- së, Kadri Veseli, i ka siguruar qytetarët se do të punohet për të mirën e vendit. "Është një marrëveshje për qytetarët e Kosovës për orientimin tonë perëndimor dhe perspektivën e punësimit për të rinjtë tanë, përmirësimin e jetës së qytetarëve. Ky koalicion është në shërbim të të gjithë qytetarëve dhe do të punojmë bashkërisht. Është çështje ditësh se kur do të formohen institucionet. Do të kemi një vendim që do të jetë i shpejtë dhe s'do të ketë vonesa", tha ai. DEKLARATA E PACOLLIT
Kreu i AKR- së, Behgjet Pa- colli, konfirmoi se ka lidhur koalicion me PAN. Ai u shpreh se "Ky koalicion është për qytetarin, të rinjtë e Kosovës, shtetndërtimin dhe daljen nga kriza institucionale. Ky është interesi kryesor. Jam i bindur që tani me këtë koalicion ne do t'i shtyjmë proceset përpara, do të kemi hapësirë të punojmë dhe do të ketë harmoni me Kryeministrin Haradinaj". LIMAJ: AKR U BASHKUA ME VULLNETIN E
QYTETARËVE Kryetari i Nismës për Kosovën, Fatmir Limaj, pas nënshkrimit të koalicionit mes PAN dhe AKR, tha se Kosova ka shumicën e konsoliduar për formimin e institucioneve. "Nga sot po i bashkohet vullnetit të qytetarëve të Kosovës AKR- ja, nga sot ky koalicion tregon se Kosova ka një shumicë të konsoliduar që përfaqëson shumicën e vullnetit të qytetarëve të Kosovës... Besoj se jemi aty ku duhet të jemi, jemi partnerë që e njohim mirë njëri- tjetrin dhe jemi aty ku duhet të jemi", tha Limaj pas marrëveshjes.