Putin: Kriza e Koresë çon në katastrofë globale planetare
Presidenti rus, kundër "histerisë ushtarake", do dialog
Kriza bërthamore e Koresë së Veriut mund të çojë në një katastrofë globale planetare, kështu ka paralajmëruar Presidenti i Rusisë, Vladimir Putin.
Duke folur pas një takimi në Kinë, Presidenti rus dënoi shpërthimin e një bombe hidrogjeni nga shteti komunist të dielën, duke e quajtur një akt provokues. Por, gjithashtu, Putin paralajmëroi edhe kundër sanksioneve të padobishme dhe joefikase, të cilat sipas tij mund të përshkallëzojnë tensionet. "E gjithë kjo mund të çojë në një katastrofë planetare botërore dhe një numër të madh viktimash", tha ai në një samit të BRICS në Xiamen. Këto komente u bënë pasi u raportua se Koreja e Veriut ka zhvendosur një raketë balistike ndërkontinentale në bregun e saj, mes paralajmërimeve nga ambasadorja amerikane në OKB, se Kim Jong- un po "kërkon luftë". Presidenti rus ka bërë thirrje për bisedime me Korenë e Veriut dhe ka paralajmëruar kundër asaj që e quajti "histeri ushtarake". Ai tha se ishte e rëndësishme që asnjëra nga palët, përfshirë Korenë e Veriut, nuk duhet të përballet me kërcënime për asgjësim. "Ngritja e histerisë ushtarake nuk ka absolutisht asnjë kuptim në këtë situatë. Kjo është një rrugë që nuk të çon askund", tha Putin. Ndërkohë mediat e Koresë së Jugut pretenduan se Koreja e Veriut kishte nisur të lëvizte një raketë drejt bregut perëndimor të vendit, të hënën, duke përdorur mbulesën e errësirës për të shmangur mbikëqyrjen. Nga ana tjetër, SHBA po nxit marrjen e masave më të ashpra të mundshme ndaj këtij vendi, pas testit të tij të gjashtë dhe më të fuqishëm bërthamor. Por Kina dhe Rusia mund t'i kundërshtojnë sanksionet e OKB- së. Vetë Koreja e Veriut nuk tregoi asnjë ulje tensionesh apo tërheqje në retorikën e saj këtë mëngjes, duke sugjeruar se Koreja e Jugut duhet të dënohet që thirri SHBAtë. Në mes të tensioneve të lar- ta në gadishullin korean, Seuli ka nisur stërvitjet detare me municione të vërteta për të paralajmëruar fqinjin e tij të izoluar kundër çdo provokimi në det. Koreja e Jugut tha gjithashtu se po fliste me Uashingtonin për vendosjen e transpor- tuesve të avionëve dhe bombarduesve strategjikë në gadishullin korean dhe nuk ka përjashtuar riorganizimin e armëve bërthamore taktike të SHBA- ve në territorin e saj. Të dielën e kaluar, monitoruesit e SHBA- ve matën një tërmet të fuqishëm me magnitudë 6.3 në afërsi të zonës kryesore të testimit të Koresë Veriut. Pak orë para testit, vendi komunist publikoi imazhet e Kim Jong- un duke kontrolluar një pajisje, që ai e quajti një armë termonukleare me fuqi supershpërthyese.