Fotot e Aurela Hoxhës me të dashurin e ri në plazh. Flet Fjorentina: Pse u ndava nga Olsi
“PANORAMA PLUS”/ ARBER ÇEPANI I JEP FUND LIDHJES DISAVJEÇARE, KUSH ESHTE E DASHURA 10 VJET ME E RE
Pas ndarjes së papritur mes çiftit më interesant dhe pasionant të “Big Brother 9”, si Fjorentina Halili, ashtu dhe Olsi Klosi, bënë paktin e heshtjes për të mos rrëfyer arsyen pse i dhanë fund. Tashmë që gjithçka ka mbaruar, Fori rrëfen për herë të parë për gazetën “Panorama” çfarë ndodhi mes tyre, dhe zbardh të vërtetat për veten dhe ishtë dashurin që e njohu në audicionet e “Big Brother 9”...
Pas lojës në "Big Brother" ke qenë një nga lojtaret që nuk ke dhënë intervista duke i lënë enigmë disa pikëpyetje rreth marrdhënies tënde me Olsin. Çfarë mund të thuash si fillim për ndjesinë që të jep kjo famë?
S’më pëlqen ta kërkoj famën dhe të rend pas intervistave. Ndjesia e të qenët person publik është edhe e bukur, por ka dhe vështirësitë e saj. Unë jam Fjori para se të hyja në “BB”, e thjeshtë dhe sinqerisht s’më intereson të jem e famshme.
Gjatë lojës u identifikove si vajza e batutave dhe çapkëne e “BB”, duke qenë se bëre lojë vërtet të fortë. U mërzite që nuk ishit ju çifti fitues i 100 milionëve?
( Qesh). Po, po i kam në gjak shakatë. Karakteri im më çoi deri në fund të lojës, pasi jam shumë çapkëne në fakt. T’ju them s’u mërzita që s’fituam, do të gënjeja. Kjo pasi unë hyra në lojë për një arsye, dhe arsyeja ishin lekët. Më duheshin shumë, kështu që u mërzita pak.
Historia jote e dashurisë me Olsin ishte sa e veçante, aq edhe e zhurmshme e intensive. Me të vërtetë bëheshe aq xheloze për Olsin, apo ishte roli që kishe zgjedhur për të bërë përshtypje?
Unë karakterizohem si një vajzë xheloze, por jo aq ekstrem. Bëhesha shumë xheloze herë pas here, por edhe luaja pak me pjesën e xhelozisë.
Kush ishte Olsi për ty brenda shtëpisë dhe kush jashtë lojës?
Olsi ishte një person shumë i rëndësishëm, si brenda, edhe jashtë shtëpisë.
Por edhe pse dukeshit si çift i konsoliduar, erdhi ndarja e papritur. Për çfarë nuk ratë dakord në vazhdimin e lidhjes suaj?
Të them të drejtën, ndarja erdhi për arsye të kota. Ndoshta pak xhelozi e imja dhe impulsivitet i Olsit. Por dua të sqaroj se brenda shtëpisë ishte shumë ndryshe marrëdhënia jonë. Ndoshta e qëndruara 24 orë bashkë e bën të fortë lidhjen, dhe të duket sikur ke një jetë me të. Jashtë është ndryshe shumë. Është më mirë kështu, secili në punën e tij.
Fiks në momentin e ndarjes u fol për një miqë- si mes Olsit dhe tifozes së famshme kuqezi, Irid Oxa. Ishe në dijeni?
S’e njoh kush është kjo. Mesa di unë, Olsi nuk e njeh, po as unë, jo e jo. Kushdo që të jetë kjo vajzë, i uroj suk- sese në jetë.
E vuajte ndarjen dhe si vazhdon komunikimi juaj tani pas ndarjes, pasi është folur për rikthim?
“Vuajtje” është shumë të them, por u mërzita pak e s’mund të gënjej për këtë. Marrëdhënia aktuale është secili në punën e vet. Pozitive do ta quaja dhe do të vazhdojë të jetë kështu.
Por një status i yti në Instagram, ku thua një frazë për djemtë që lëndojnë një vajzë besnike dhe bëjnë të lumtura prostitutat, t’u faturua si mesazh nga ty për Olsin. E vërtetë?
Ajo është thënie e vjetër shumë, dhe shumë e bukur në fakt. Absolutisht s’ka të bëjë me askënd, dhe po them të vërtetën. Por kujt i djeg, le ta mbajë ! ( qesh).
E mendoje Olsin si burrin e jetës, pra të dukej i duhuri në krahun tënd?
Kur lidhem me dikë s’mendoj direkt që ky do të jetë burri i jetës, apo i duhuri. Por marrëdhënia që krijuam më bëri të dashurohesha, dhe pse jo ta çoja ndonjëherë në mendje, që edhe mund të ishte ai "i duhuri”.
Nëse do të ulesh për një kafe me Olsin, deri ku mund të shkojnë bisedat tuaja miqësore? Mund t’ia rrëfeni sekretet njëritjetrit?
Kemi pirë kafe, jemi zënë pak se jemi të dy kokëfortë, por që në një marrëdhënie miqësore me të sigurisht që do t’i tregoja një sekret, dhe do t’i mirëprisja nga Olsi gjithashtu. Për momentin nuk jemi në fazën e të treguarit të sekreteve ( qesh).
Pas ndarjes je komentuar për afrimitetin me Elsamedin. Çfarë ju lidh bashkë tani, duke pasur parasysh që brenda lojës konfliktoheshit shpesh?
( Qesh) Kjo është e bukur. Unë me Elsamedin, edhe pse patëm shumë debate në shtëpi, jashtë saj jemi takuar dhe i kemi zgjidhur keqkuptimet. Është një person që e respektoj, por vetëm kaq. Ne jemi miq, dhe deri këtu shkon marrëdhënia jonë. Nuk janë aspak të vërteta fjalët që thuhen lart e poshtë.
Tani që je “single”, ke marrë ndonjë propozim dhe si do ta preferoje partnerin e ardhshëm?
Propozime ka gjithmonë, edhe kur je e lidhur ( bëj shaka). S’kam lënë hapësira për të marrë propozime të tilla. Për momentin nuk kam mendje për lidhje, pasi kam plane të tjera dhe shpresoj që të më shkojë çdo gjë mirë. Mashkulli im ideal është sa i mirë, dhe pak i keq ( qesh). Një person që mbi të gjitha më respekton dhe vlerëson, pastaj se si vijon lidhja në vazhdim, s’mund të flas. Kryesorja për mua janë vlerësimi, respekti dhe dashuria sigurisht.
Cilat janë këto planet e tjera?
Puna dhe vetja ime për momentin.
Kemi pirë kafe, jemi zënë pak se jemi të dy kokëfortë, por që në një marrëdhënie miqësore me të, sigurisht që do t’i tregoja një sekret dhe do t’i mirëprisja nga Olsi gjithashtu. Për momentin nuk jemi në fazën e të treguarit të sekreteve ( qesh). Ne jemi miq dhe deri këtu shkon marrëdhënia jonë. Nuk janë aspak të vërteta fjalët që thuhen lart e poshtë.
Prezantuesja simpatike, Xhemi Shehu, është fotografuar pak ditë më parë në plazhet e Jugut. Nënë e dy fëmijëve, siç e shihni edhe nga fotot Xhemi ka një fizik për t’u pasur zili. Super në formë dhe në një relaks total, Xhemi duket se i ka shfrytëzuar mirë këto kohë pushimi, para se të nisë sezoni i ri televiziv. Shohim nga fotot që ajo ka bërë një zgjedhje interesante, ndërkohë që ka ndarë kohën e saj me bashkëshortin, por edhe me mikeshat. Mesa duket, Xhemi nuk i ka rezistuar tundimit të shoqërisë së vajzave ku ajo duket që ia kalon shumë mirë mes lojërave me letra dhe bisedave, të cilat dihet që mes vajzash janë mjaft interesante. Për sa i përket këtij sezoni televiziv, nuk dimë të ketë ndonjë risi për Xhemin. Ajo tashmë është pozicionuar mirë si një nga moderatoret e “Portokallisë”, përkrah Salsano Rrapit. Edhe pse çdo sezon televiziv hapen audicione jo vetëm për aktorë të rinj, por edhe për moderatorë, duket se askush nuk e konkurron këtë dyshe simpatike prezantuesish. Xhemi na ka habitur me dimensionin e saj si aktore humori, madje mjaft e zonja. Mikeshat gjithnjë ia kanë vënë në dukje këtë talent që ajo ka pasur, ku sensi i humorit ishte pjesa e saj e pandarë. Presim që ta rishohim në ekran moderatoren simpatike dhe mjaft të dashur për publikun.