Studimi i UET: Bilanci i 15 viteve, sa ia ka vlejtur masteri
Studimet Master në Shqipëri janë relativisht të reja, vetëm 15 vjet, por kjo diplomë është më e kërkuara nga tregu i punës.
Në prag të 10- vjetorit të diplomave Mas ter, Universiteti Europian i Tiranës organizoi dje seminarin e parë të karrierës në Shqipëri me temë: “10 vjet programet master - Sfida: Formalizëm vs Profesionalizëm”, ku ishin të ftuar përfaqësues nga bota e biznesit.
UET futen në vitin e 10- të të programeve master dhe ky seminar shërbeu për të bërë një analizë dhe një vlerësim për mënyrën se si këto programe i janë përgjigjur kërkesave të studentëve për t’u specializuar dhe mbi të gjitha, se si ky formim dhe specializim i përgjigjet kërkesave të vetë tregut të punës.
Presidenti i UET- it, Prof. dr. Adrian Civici, theksoi se UET gjithë punën e ka përqendruar në thellimin e aspektit të profesionalizimit të studentëve dhe programeve master, sidomos masterave profesional që janë të shumtë të larmishëm dhe me një dinamikë që ndryshon nga njëri vit në tjetrin në përputhje me dinamikat e tregut të punës. Ai përmendi disa nisma të rëndësishme që universiteti ka ndërmarrë në këtë drejtim si “UET- i universiteti i biznesit”, programi 250+ dhe ngritjen e bordeve të tregut të punës pranë çdo departamenti.
“Janë 3 elementë shumë të rëndësishëm të organizimit në funksion të masterit: janë bordet e tregut të punës, çdo program studimi, dhe çdo departament ka një bord specifik nga institucionet, bizneset, që quhen bordet e tregut të punës. Në një masë të konsiderueshme janë ish. studentët tanë që kanë mbaruar në vite që tashmë janë eksepertë, drejtues, specialistë në biznese të ndryshme, të cilët lidhen rregullisht dhe konsultohen me departamentet për përmbajtjen e programeve, cilësinë e tyre dhe mbi të gjitha për përputhjen e tyre me çka ndodh në ekonominë reale dhe tregun real. Nga ana tjetër, është shumë i rëndësishëm panairi vjetor i punës që ne bëjmë, ku rreth 60 kompani dhe biznese nga më cilësoret në Shqipëri vijnë në UET si për të ofruar vende të reja të punës. Objektivi i tretë është pjesmarrja aktive e UET në gjithë llojet e aktiviteteve duke përfshirë panairin Work and Study që bën Bashkia e Tiranës me ministrinë e arsimit apo institucione të tjera. Po ashtu në Master e kanë shumët të zgjeruar gamën dhe kontaktin me CEO- t e bizneseve, menaxherët e tyre me marketingun, qoftë me auditor këtu, por edhe me praktikat në kompani.” ÇFARË KËRKON TREGU I PUNËS NGA MASTERAT?
Në këtë seminar ishin të pranishëm katër përfaqësues të rëndësishëm, të biznesit në Shqipëri, të cilët ndanë me auditorin e pranishëm mendimet dhe sugjerimet e tyre për studentët dhe pritshëmritë në lidhje me performancën e tyre në tregun e punës.
Nënkryetari i dhomës së Tregtisë, z. Arben Shkodra, u shpreh për atë se çfarë kërkon biznesi sot në lidhje me të diplomuarit. Ai vlerësoi bashkëpunimin UET-Biznes duke kërkuar që ky bashkëpunim të përforcohet më tej.
“Në biznes sot, sfidat janë të mëdha. Nevojiten specialistë, personalitete në fusha të ndyshme të cilët mund të ndihmojnë biznesin të përballet me këto sfida. Nevojitet që programet e masterave të jenë shumë më interesantë. Kjo bëhet duke vazhduar inicia- tivën tuaj 250+, ku biznesmenët tanë kanë dëshirë të vijnë dhe të japin leksione. Mund të organizohet që në programin e masterit të zhvillohen leksione edhe pranë koorporatave, të cilat tashmë kanë mundësinë t’i akomodojnë. Të ripreken modulet në mënyrë që të na vijnë ne, të cilët jemi fundori, enduser- i i produktit tuaj”- theksoi Shkodra.
Ndërkohë znj. Arjana Tusha, Drejtoreshë e Burimeve Njerëzore pranë BKTsë ka ndarë disa sugjerime në lidhje me përmirësimin e programeve master në mënyrë që të diplomuarit të jenë sa më pranë tregut të punës të sistemin bankar.
“Është e nevojshme që aplikantët të kenë njohuri të gjera jo vetëm në ekonomi, por edhe në IT, pasi bankat sot po shkojnë drejt dixhitalizimit, ndërkohë që njohuritë e marra në teori duhet të gjejnë zbatim në praktikë. Studentët duhet të kenë aftësi analitike, të cilat janë të domosdoshme. Një sugjerim mund të ishte përfshirja e një lënde në gjuhën angleze, në programin master, në mënyrë që kur të punësohen të jenë të aftë në komunikim.”- u shpreh Tusha ndër të tjera.
Një tjetër nga të ftuarit e pranishëm në seminar, z. Roden Pajaj, Drejtor i burimeve njerëzore në kompaninë “Deloitte Albania” vuri theksin në nevojën që ka tregu i punës për specialistë të fushave të ndryshme.
“Ajo që do të donim ne si Deloitte do të ishte që vlera e masterit profesional të ishtë më e lartë, pra njerëzit të fokusoheshin tek masteri profesional për të zhvilluar aftësitë e tyre analitike. Për ne është shumë e rëndësishme që studenti i diplomuar të ketë aftësi analitike dhe praktike, në mënyrë që të jetë i aftë të ecë përpara në karrierën e tij.”
Një nga industritë që po merr zhvillim të shpejtë në Shqipëri është turizmi dhe ishte pikërisht Zak Topuzi, kryetar i shoqatës Shqiptare të Turizmit, i cili foli për sfidat e zhvillimit që paraqet ky sektor në vend dhe kërkesat për të punësuar njerëz të kualifikuar.
“Turizmi në Shqipëri është një nga industritë e rëndësishme. Gjeneron 1.2 miliardë euro mesatarisht në vit, siguron 40.3% të eksporteve shqiptare, dhe siguron rreth rreth 150 mijë vende pune në mënyrë direkte, rreth 60 mijë në mënyrë indirekte. Por për më tepër zhvillim nevojiten standarde, të cilat nuk mund të realizohen nga njerëz që nuk janë të përgatitur si duhet profesionalisht, që nuk kanë njohuritë e duhura, që nuk kanë mbaruar shkollat e duhura, ndaj industria e turizmit në Shqipëri kërkon sa më shpejt, specialistët e duhur”, u shpreh ai.
Në seminarin e zhvilluar, UET përfitoi sugjerimet, nga vetë bizneset, në lidhje me rritjen e cilësisë së studentëve të cilët pas diplomimin do të përballen me pikërisht ketë treg e pune.
Në vitin e 10- të të programeve master, Universiteti Europian i Tiranës bashkë me përfaqësues të biznesit bëri një analizë se si këto programe i janë përgjigjur kërkesave të tregut të punës