Uragani "Irma" përplaset në Florida, katër të vdekur
Uragani "Irma" u përplas në Florida mëngjesin e së dielës, duke çuar erëra të forta, shi dhe rrezikun e tornadove. Uragani "Irma" është parashikuar të shkojë në kategorinë 45 të stuhive, më të fortat që janë regjistruar ndonjëherë. Në Florida u besua se më e keqja kishte kaluar pas së shtunës, pasi stuhia u zvogëlua në kategorinë 3, por në orët e para të së dielës, ajo u riaktivizua dhe kaloi në kategorinë 4, niveli i dytë më i keq. Tani, pjesa qendrore e Majamit është përmbytur. Ky është vetëm fillimi, pasi "Irma" pritet të lëvizë në veriperëndim, duke kërcënuar Napolin dhe qytetet e tjera në bregun perëndimor të Floridës. Guvernatori Rick Scott bëri thirrje në "Fox News" të dielën: "Lutuni, lutuni për të gjithë në Florida". Një burrë humbi jetën pasi erërat e fuqisë tropikale të stuhisë e detyruan atë të humbte kontrollin e kamionit në Monroe County. Dy të tjerë vdiqën në një aksident me makinë në Hardee County. Dhe një i moshuar vdiq nga shkaqe natyrore, ndërsa strehohej në një shkollë në qytetin Maraton. Këto janë viktimat e para të uraganit "Irma" në Florida pasi ka shkaktuar të paktën 25 viktima në Karaibe, ku përfshiu ishuj të tërë. Të dielën pasdite, kryeministri holandez, Mark Rutte njoftoi se numri i vdekjeve të konfirmuara në ishullin holandez të Karaibeve, St Maarten, ishte rritur në katër vetë. Ndërkohë, më shumë se një milion njerëz kanë mbetur pa energji, ndërkohë që stuhia parashikohet të rritet rrugës për në Everglades, ku tokat më të ulëta dëmtohen nga përmbytjet. Ekspertët kanë paralajmëruar për katastrofë dhe rrezik për jetët e njerëzve.