Merkel propozon zgjidhjen e Iranit me Korenë e Veriut

Kancelarja gjermane, Angela Merkel ka theksuar se marrëveshja bërthamore me Iranin, e arritur në vitin 2015, negociuar me anëtarët e Këshillit të Sigurimit të OKB plus Gjermaninë, është një model për zgjidhjen e krizës së Koresë së Veriut. Sipas saj, "Nëse do të kërkohet pjesëmarrja jonë në bisedime, do të them po menjëherë". E intervistuar në gazetën "Frankfurter Allgemeine Sonntagszeitung", të publikuar të dielën, Merkel tha se një zgjidhje diplomatike ishte e vetmja rrugë e qëndrueshme për të zgjidhur krizën. Koreja e Veriut ka kryer një sërë testesh raketash si dhe një bombë me hidrogjen, sipas deklaratave të saj. Veprimet nga Koreja e Veriut kanë rritur tensionet me Shtetet e Bashkuara dhe aleatët e saj në rajonin AziPaqësor. Udhëheqësi i Koresë së Veriut, Kim Jong- un, ka kërcënuar për një sulm me raketa në territorin e SHBA- ve, ishullin Guam në Paqësor, madje ka deklaruar edhe se do të jetë i aftë të godasë kontinentin e SHBA- ve, duke nxitur paralajmërime për hakmarrje nga administrata Trump, në formën e sanksioneve ekonomike dhe veprimeve të mundshme ushtarake. SHBA planifikon të kërkojë një rezolutë të fortë të hënën nga Këshilli i Sigurimit të Kombeve të Bashkuara, në një përpjekje për të bindur Korenë e Veriut t'u japë fund provokimeve të saj dhe të ulë retorikën. Por Rusia këmbëngul se sanksionet nuk janë zgjidhja e duhur. Ndërkohë, kancelarja Merkel ka ngritur mundësinë e përdorimit të marrëveshjes së Iranit si model për Korenë e Veriut. Bisedimet e gjata me Iranin çuan në një marrëveshje të vitit 2015 për sanksionet ndërkombëtare, që u hoqën në këmbim të kufizimit të aktiviteteve bërthamore nga Teherani. Kancelarja pritet të fitojë një mandat të katërt në detyrë, kur Gjermania mban zgjedhjet më 24 shtator.