PËRGJEGJËSITË E MINISTRIVE TË REJA

Ministria e Infrastrukturës dhe Energjisë

1- Fushën e planifikimit dhe zhvillimit të qëndrueshëm urban. 2- Fushën e standardeve urbane në ndërtim 3- Fushën e mbetjeve urbane në lidhje me planifikimin territorial dhe infrastrukturën e mbetjeve 3- Energjia, burimet minerare dhe industria 4- Sektori i hidrokarbureve ( naftë dhe gaz) 5- Infrastruktura dhe transporti, përfshirë edhe atë me tubacione për ujësjellës- kanalizimet 6- Bashkërendimi i politikave të infrastrukturës së mbetjeve urbane në komponentin zbatues të tyre dhe ndjekjen e zbatimin e këtyre politikave 7- Përcaktimin dhe vendosjen e standardeve për të gjitha llojet e mjeteve të transportit dhe organizimin e drejtimit të kontrollit shtetëror të sigurisë teknike në sferën e shfrytëzimit 8- Sektorin e minierave dhe gjeologjisë 9- Sektorin e industrisë joushqimore 10- Telekomunikacionin dhe shërbimin postar

Ministria e Financave dhe Ekonomisë

1- Politikat makroekonomike dhe fiskale 2- Administrimi i të ardhurave 3- Administrimi i buxhetit të shtetit 4- Fusha e strehimit 5- Fusha e punësimit 6- Fusha e arsimit dhe formimit profesional 7- Administrimi i fondit të sigurimeve shoqërore 8- Marrëveshjet e tregtisë së lirë 9- Fusha e mbrojtjes së sipërmarrjes dhe biznesit vendas 10- Nxitja e investimeve të huaja 11- Administrimi i pronës shtetërore 12- Mbështetja e partneritetit publik privat

Ministria e Turizmit dhe Mjedisit

1- Sektori i mjedisit, natyrës dhe biodiversitetin 2- Sektori i pyjeve dhe kullotave; 3- Politikat për një zhvillim të qëndrueshëm të turizmit

Ministria për Evropën dhe Punët e Jashtme

1- Zbatimi i politikave të jashtme 2- Drejtimi teknik dhe bashkërendimi i procesit të integrimit 3- Zhvillimi dhe fuqizimi i diplomacisë ekonomike

Ministria e Brendshme

1- Rendi dhe siguria publike 2- Veprimtaria e prefektit të qarkut 3- Bashkërendimi me njësitë e qeverisjes vendore dhe shoqatat e të zgjedhurve vendorë 4- Shërbimet e gjendjes civile 5- Hartimi i politikave, koordinimit dhe mbikëqyrjes së shërbimit të mbrojtjes nga zjarri 6- Ruajtja dhe siguria së territorit dhe ndërtimeve 7- Planifikimi dhe përballimi i emergjencave civile 8- Veprimtaria e organit qendror blerës, me autorizim të Këshillit të Ministrave

Ministria e Shëndetësisë dhe Mbrojtjes Sociale

1- Zhvillimin e politikave e të strategjive shtetërore në fushën e shërbimeve të kujdesit shëndetësor 2- Zhvillimin dhe monitorimin e politikave të legjislacionit, të programeve e të veprimtarive që lidhen me ofrimin e shërbimeve të kujdesit shëndetësor dhe me treguesit shëndetësorë të popullatës 3- Zhvillimin e politikave që synojnë mbrojtjen, promovimin, integrimin dhe përmirësimin e vazhdueshëm të mirëqenies sociale të individëve, familjeve dhe komuniteteve në nevojë 4- Nxitjen dhe zhvillimin e dialogut social, në kuadrin e partneritetit, me qëllim harmonizimin e interesave të palëve për minimizimin e konflikteve sociale 5- Marrjen e masave dhe ndjekjen e çështjeve që kanë të bëjnë me integrimin në jetën e shoqërisë shqiptare të ish- të përndjekurve politikë nga regjimi komunist