Ikën kancelari, pedagogët e Shkencave mbeten pa paga
Përplasja në Rektorat, penalizohen 327 punonjës të FSHN
Të gjithë pedagogët dhe stafi mbështetës i Fakultetit të Shkencave të Natyrës kanë një muaj e gjysmë pa rroga.
Shkak për këtë është bërë mosnjohja e pozicionit të kancelarit, pa firmën e të cilit nuk kalojnë rrogat e rreth 330 punonjësve të fakultetit. Shqetësimin e ngre sindikata e punonjësve të universitetit, me anë të një peticioni drejtuar Rektoratit dhe Ministrisë së Arsimit. Ditën e sotme zhvillohet mbledhja e parë e Senatit për këtë vit akademik, një tentativë për t'i dhënë zgjidhje edhe këtij problemi.
SHKAKU
Përpos kancelarit të Universitetit të Tiranës, çdo dekanat ka kancelarin e vet që përgjigjet për mbarëvajtjen e çështjeve financiare. Gjithçka funksiononte normalisht deri në muajin mars, kur kancelari i Fakultetit të Shkencave të Natyrës largohet. Pas kësaj mësohet se rektori i Universitetit të Tiranës vendosi që detyrat e tij t'i kryente një person i komanduar, që rezultoi të ishte po kancelari i UT- së, Robert Skënderi. Por, përplasjet e vazhdueshme midis këtij të fundit dhe rektorit Mynyr PUNONJËS, midis tyre 215 pedagogë dhe 112 punonjës të tjerë mbështetës, nuk janë paguar për muajin gusht. Ministria e Arsimit dhe Rektorati i UT- së janë vënë në dijeni për këtë problematikë, por nuk kanë bërë asgjë konkrete për t'i dhënë zgjidhje Koni, që kulmuan me pezullimin e kancelarit Skënderi, bënë që firma e tij të mos jetë e vlefshme. Rrjedhimisht, të gjithë punonjësit e Fakultetit të Shkencave të Natyrës, rrogat e të cilëve varen drejtpërdrejt nga firma e tij, kanë mbetur pa paga për një kohë të pacaktuar. Për këtë arsye, një ditë më parë ata kanë zhvilluar një mbledhje për të dalë në një vendim unanim për përshkallëzimin e masave ligjore, nëse deri të premten nuk ka asnjë dritë jeshile. Fakulteti i Shkencave të Natyrës ka numrin më të madh të pedagogëve dhe stafit mbështetës krahasuar me pesë fakultetet e tjera të UT- së. Sipas ligjit të ri për arsimin e lartë, financat dhe administrimi i universiteteve dhe fakulteteve bëhet nga administratorët, të cilët duhet të përzgjidhen me konkurs në bazë të procedurave dhe kritereve të përcaktuara nga bordi i administrimit në statutin e universitetit. Por, për këtë shfaqet një pengesë, mospublikimi i akteve që detajojnë procesin. Ndonëse u bënë gati dy vjet nga hyrja në fuqi e ligjit për arsimin e lartë, ende nuk janë publikuar të gjitha aktet nënligjore, më konkretisht ato për zgjedhjen e administratorëve të universiteteve dhe fakulteteve. Deri në zbardhjen e tyre, rolin e administratorëve po e kryejnë kancelarët.