PËR BREXIT
Kreu i Komisionit Europian ka përjashtuar mundësinë e anëtarësimit të Turqisë në bllok për një të ardhme të parashikueshme, për shkak të shqetësimeve mbi të drejtat e njeriut. Në fjalimin e tij vjetor të Bashkimit Europian të mërkurën, Presidenti i Komisionit të BE- së, Jean- Claude Juncker, rezervoi kritika të forta për Ankaranë, duke theksuar gjykimin në vazhdim të dhjetëra gazetarëve turq dhe aktivistëve të opozitës mbi akuza terrorizmi. "Sundimi i ligjit, drejtësia dhe vlerat themelore kanë përparësi të lartë në negociata dhe përjashtojnë anëtarësimin në BE për Turqinë në të ardhmen e parashikueshme. Prej një kohe të kon- Përsa i përket Brexit, daljes së Britanisë nga BE, Juncker tha se Mbretëria e Bashkuar do të ndiejë keqardhje që do ta lërë bllokun, duke shtuar se BE do të shqyrtojë pranimin e anëtarëve të rinj pas tërheqjes së Britanisë në vitin 2020. Zyrtarët e BE- së thonë se Serbia, Shqipëria dhe Maqedonia janë kandidatët më të mundshëm, por asnjë datë nuk është vendosur për pranimin e tyre. siderueshme, Turqia është larguar nga Bashkimi Europian në hapa të mëdhenj. Gazetarët e kanë vendin në redaksi në mes të debatit dhe jo në burgje", tha Juncker. "Amnesty International", kryesuesja e së cilës është në mesin e njerëzve të arrestuar, e mirëpriti fjalimin e Juncker. "Mbi 150,000 vetë janë duke u përballur me ndonjë lloj ndjekjeje apo humbje të pozitës së tyre në shërbimin civil. Kjo situatë është e patolerueshme dhe në aspektin e të drejtave të njeriut në Turqi, kundërshtuesit po bëhen specie e rrezikuar", tha për "Zërin e Amerikës" Milena Buyum, aktiviste e fushatës së "Amnesty Inter- national". Përfundimi i negociatave të pranimit të Turqisë do të diskutohet muajin e ardhshëm në një samit të Brukselit. Kriza e migracionit në Europë do të jetë gjithashtu në krye të rendit të ditës. Juncker vlerësoi Italinë se ka kryer atë që e ka quajtur shpëtimin e nderit të Europës, duke vazhduar të marrë mijëra emigrantë. Ai premtoi të adresojë shqetësimet e kushteve të tmerrshme në qendrat e ndalimit të emigrantëve në Libi. "Europa ka një përgjegjësi kolektive dhe Komisioni do të punojë krah për krah me Kombet e Bashkuara për t'i dhënë fund kësaj situate skandaloze", u tha ai ligjvënësve europianë.