Rama: Nishani me zyrë, si Moisiu dhe Meidani

Panorama (Albania) - - POLITIKE -

Kryeministri Rama sqaroi dje dhe një vendim nga mbledhja e parë e qeverisë së re për trajtimin me zyrë dhe sekretare të ish- presidentit Nishani. Sipas kreut të qeverisë, kjo praktikë është ndjekur dhe për ish- presidentët Meidani dhe Moisiu. “Sa i takon Bujar Nishanit, ne kemi vendosur një standard, sepse i kemi gjetur presidentët e Republikës rrugëve, që shërbimet qeveritare u ofrojnë një shërbim minimal ish- presidentëve të Republikës”, tha Rama. Sipas tij, kushtet që ofrojnë shërbimet qeveritare janë minimale për të respektuar dinjitetin e ishkreut të shtetit. “Ata kanë në një godinë pranë ish-‘ Zërit të Popullit’, kanë një zyrë, kanë një sekretari dhe prej kohësh këtë shërbim minimal që shteti u ofron, qoftë ish- presidentit Moisiu, edhe ish- presidentit Mejdani, e kanë. Këtë ia kemi ofruar edhe ish- presidentit Nishani”, tha Rama.

Bujar Nishani

Newspapers in Albanian

Newspapers from Albania

© PressReader. All rights reserved.