Festë për komunistët, në Pezë rikthehet Enveri
Kujtimi i Konferencës, fëmijë me portretin e diktatorit
Kanë nisur me fotot e diktatorit Enver Hoxha festimet për 75- vjetorin e Konferencës së Pezës.
Në një klimë kur figura të vjetra të ish- Partisë së Punës po glorifikohen edhe me pushtet, duket se veteranët e kanë shfrytëzuar si momentin e “rikthimit” edhe të ish- diktatorit. Në Pezë dje nuk munguan shfaqjet e simboleve të Partisë Komuniste dhe ish- diktatorit Enver Hoxha. Jashtë protokollit, një grup veteranësh, me fotot e Enver Hoxhës në duar, krijuan një stendë me foto të ishdiktatorit. Përmes parrullave “Lavdi Partisë Komuniste”, “Konferenca e Pezës vepër e PKSH dhe Enver Hoxhës”, veteranët kanë kujtuar me nostalgji ish- diktatorin Hoxha. Por disa fëmijë kanë mbajtur foto të diktatorit Hoxha edhe në kohën që zhvillohej ceremonia zyrtare për përkujtimin e 75vjetorit të Konferencës së Pezës. Fotot që bënë xhiron e rrjeteve sociale janë dënuar nga eksponentë të ndryshëm të Partisë Demokratike.
Selia blu reagoi zyrtarisht përmes nënkryetarit të grupit të PD, Enkelejd Alibeaj. “Pankartat e diktatorit qëllimisht ua vuri në dorë fëmijëve. Duke filluar tek ata, kërkon të ringjallë dhe të riinstalojë komunizmin, pushtetin gjakatar të etërve të Edi Ramës dhe bashkëpunëtorëve të tij. Për ata që nuk kanë parë ende asgjë akoma, sot kanë mundësinë të hapin sytë fort dhe të kuptojnë, tek ato pankarta, fytyrën e vërtetë të Edi Ramës.”, tha Alibeaj. Ishkryeministri Sali Berisha deklaroi se festa e Pezës u shoqërua me fotot e Hitlerit shqiptar. “Portrete të Hitlerit shqiptar të Pasluftës së Dyte Botërore! Në Pezë përdhoset flamuri i kombit”, deklaroi Berisha. Edhe ish- deputetja e PD, Jozefina Topalli i ka cilë- suar të turpshme fotot e ishdiktatorit në duart e fëmijëve. “Turp për ata që provokojnë; Neveri për ata që heshtin”, shkruan Topalli. CEREMONIA ZYRTARE
Në ceremoninë zyrtare, nuk kishte më foto të komunistëve fanatikë. Presidenti i Republikës, deputetë dhe përfaqësues të pushtetit vendor, kanë përkujtuar, 75- vjetorin e Konferencës së Pezës. Ceremonia i parapriu organizimeve tre ditore nga Bashkia e Tiranës, e cila si çdo vit, edhe në këtë përvjetor i bëri thirrje të rinjve të kthehen si rebelë në Pezë, duke festuar deri në orët e para të mëngjesit nën shoqërinë e muzikës dhe grupeve të njohura. Në ceremoni, krahas kreut të Shtetit, Meta, merrnin pjesë dhe përfaqësues të qeverisë dhe nënkrye- tari i Bashkisë së Tiranës, Arbjan Mazniku, i cili e cilësoi Konferencën e Pezës, si një ngjarje historike që rrezaton 75 vjet më pas mësime shumë të rëndësishme për vendin. “Konferenca e Pezës është një histori, e cila rrezaton 75 vjet më pas mësime dhe momente shumë të rëndësishme për të sotmen e vendit tonë. Ajo është një histori, e cila së pari është një histori guximi. Ka treguar sot se si atëherë, një grup njerëzish vendosën që në një betejë shumë të madhe, Peza ishte e vogël në botën e madhe, e cila gjendej në një luftë botërore, ata u mblodhën për të vendosur se në cilin kah të historisë do të ishte Shqipëria dhe ky është ndoshta momenti i dytë i rëndësishëm që sot na rrezaton Konferenca e Pezës”, tha Manziku.