Konferenca e NATO, Rama kërkon zgjerim të plotë në Ballkan

“Mungesa e Bosnjës, Serbisë, Kosovës e Maqedonisë, një faktor paqartësie strategjike”

Panorama (Albania) - - POLITIKE -

Shqipëria do të rrisë kontributin e saj në radhët e NATO- s dhe do të shtojë shpenzimet në fushën ushtarake.

Këto ishin zotimet që Kryeministri Edi Rama bëri gjatë fjalës së tij përshëndetëse në konferencën e Komitetit të NATO- s, e cila për herë të parë u zhvillua në Tiranë. "Si një vend ku mbështetja publike për NATO- n është ndër më të lartat, Shqipëria e ka pasur politikisht të lehtë që të jetë shumë aktive në pjesëmarrjen e angazhimeve ushtarake të Aleancës. Në njëfarë mënyrë, ne kemi arritur t'i bashkohemi misionit të Aleancës, apo dhe angazhimeve të tjera, në bashkëpunim me anëtarët tanë në NATO, në një nivel mbiproporcional. Për aq sa ka qenë politikisht e lehtë dhe sa për t'ju dhënë një shembull, misionet e Shqipërisë në NATO deri më sot nuk kanë marrë asnjë votë kundër në Kuvendin e Shqipërisë, pjesëmarrja jonë e gjerë në këto misione nuk ka qenë një sfidë e lehtë për resurset e kufizuara të vendit. Megjithatë, në përmbushje të zotimeve tona në Uells dhe Varshavë, një program ambicioz modernizimi do të shoqërohet edhe me rritjen progresive të shpenzimeve për mbrojtje. Ashtu sikundër, në vijimësi, Forcat tona të Armatosura do të jenë prezente në çdo rast dhe front", deklaroi Kryeministri Rama.

ANGAZHIMI Kreu i qeverisë shqiptare ka kujtuar se si vend anëtar i NATO- s, Shqipëria do të angazhohet me përgjegjësi për shndërrimin e rajonit ballkanik në një rajon të paqes. Gjithashtu, Rama ka kujtuar se hartës së NATO- s i mungon Bosnjë- Hercegovina, Serbia, Maqedonia dhe Kosova, të cilat do të kompletonin organikisht në arkitekturën e sigurisë europiane. "Me hyrjen e Malit të Zi në NATO, gjë të cilën Shqipëria e ka mbështetur fuqimisht qysh në krye të herës, Aleanca jonë, përveçse atlantike, u bë plotësisht edhe ' adriatike'. Tashmë deti Adri- atik është shndërruar në një det të brendshëm për Aleancën, duke i dhënë asaj kontrollin mbi një aset marin shumë të rëndësishëm për sigurinë europiane. Megjithatë, hartës së NATO- s i mungojnë Bosnja- Hercegovina, Serbia, Kosova dhe Maqedonia. Kjo zonë, ende e papërfshirë organikisht në arkitekturën e sigurisë europiane, përbën një faktor paqartësie strategjike për Aleancën tonë.", tha Rama.

Rama dje në Komitetin e NATO- s në Tiranë

Newspapers in Albanian

Newspapers from Albania

© PressReader. All rights reserved.