Pas shpërthimit në klinikë, tritol biznesmenit

Shpërthimi gjatë natës, objektit ku është ndërtuar inceneratori

Panorama (Albania) - - PANORAMA -

SHIJAK- Sulmet me eksploziv drejt sipërmarrësit nga Shijaku, Arlind Lala, nuk kanë të ndalur, që pas konfliktit të hapur pak ditë më parë mes tij dhe banorëve, të cilët kundërshtuan ngritjen e inceneratorit të përpunimit të mbetjeve spitalore dhe shtazore. Pak ditë më parë, persona ende të paidentifikuar vendosën lëndë plasëse në klinikën e tij dentare ku si pasojë e shpërthimit u regjistruan dëme të vogla materiale. Por në orët e vona të mbrëmjes së të premtes, atij iu vendos sërish lëndë eksplozive në objektin ku është ndërtuar inceneratori, në të dalë të qytetit të Shijakut( në lagjen Popullore). Edhe pse pak ditë më parë, pas shpërthimit në klinikën dentare në pronësi të tyre, babai i sipërmarrësit 33vjeçar pati deklaruar se do të tërhiqeshin nga ndërtimi inceneratorit, banorët vijojnë kërcënimet duke sulmuar me lëndë plasëse bizneset e familjes Lala. "Më datë Dy shpërthime me lëndë plasëse, në harkun e pak ditëve, në drejtim të bizneseve të mjekut stomatolog nga Shijaku. Për të shuar zemërimin e banorëve të Shijakut për këtë fabrikë, babai i mjekut stomatolog deklaroi se ata janë tërhequr nga ky aktivitet, por pavarësisht kësaj, kërcënimet nuk kanë ndalur ndaj tyre. Pas shpërthimit në klinikën dentare, shënjestra e radhës ka qenë inceneratori, firma që përpunon mbetje spitalore. Të dyja rastet e shpërthimeve nuk janë zbardhur ende nga policia. 15.09.2017, rreth orës 22: 55, në Shijak, në afërsi të derës së magazinave të marra me qira nga shtetasi A. L., 33 vjeç, banues në Shijak, e cila përpunon mbetje spitalore, është hedhur dhe ka shpërthyer një sasi e vogël lënde plasëse. Për pasojë, janë shkaktuar dëme të vogla materiale te dera e dhomës frigoriferike. Në cilësinë e provës materiale u sekuestrua një copë fitil zjarrpërcjellës. Po punohet për identifikimin dhe kapjen e autorëve", deklaroi Policia nëpërmjet një njoftimi për sh- typ. Një grup ekspertësh kanë nisur hetimet për të dyja ngjarjet. Sipas tyre, sulmet me lëndë plasëse kundrejt bizneseve të sipërmarrësit 33vjeçar kanë të bëjnë me konfliktin që ai ka me banorët e zonës, të cilët kanë kundërshtuar zhvillimin e aktivitetit të inceneratorit. Pas shpërthimit me lëndë eksplozive, për herë të dytë me objekt fabrikën e përpunimit të mbetjeve spitalore dhe shtazore, i ka sosur durimi edhe pronarit të fabrikës së mermerit, i cili i ka dhënë ambiente me qira mjekut stomatolog, Arlind Lala. Ky i fundit ka ndërtuar inceneratorin në një prej ambienteve te fabrikës që ka marr me qira. Krahas fab- rikës së përpunimit të mbetjeve spitalore, aty funksionon prej vitesh edhe fabrika e përpunimit të mermerit. Pronari i objektit tha se prej kohës kur nisi protesta e banorëve të Shijakut, puna e tij ra në minimum, ndërsa u konsiderua e tepërt hedhja e eksplozivit në ambientet që ai i ka dhënë me qira mjekut Lala.

Klinika dentare që u vendos tritoli disa ditë më parë

Newspapers in Albanian

Newspapers from Albania

© PressReader. All rights reserved.