Bllokohen 4 mln euro pasuri të biznesmenit të pllakave
Nga apartamentet në Tiranë e pronat në bregdetin e Jugut
Policia e Shtetit sekuestron rreth 4 milionë euro pasuri të pajustifikuara, në pronësi të një biznesmeni hidrosanitaresh në Tiranë.
Apartamente në Tiranë e Vlorë, garazhe dhe sipërfaqe toke në zona të ndryshme në bregdetin e Jugut, në pronësi të Nikolin Janinës, tashmë i kanë kaluar në administrim Agjencisë për Administrimin e Pasurive të Sekuestruara dhe të Konfiskuara, pranë Ministrisë së Financave. Burime nga Policia thanë dje se veprimet u kryen nga oficerët e Seksioni për Hetimin e Pastrimit të Parave dhe Asteve Kriminale në Policinë e Tiranë, në kuadër të operacionit të koduar "Vjeshtë 2017". Mësohet se ndaj Janinës është kryer një hetim nga autoritetet spanjolle, pasi dyshohej si i përf- shirë në trafikim të lëndëve narkotike. Akuzë kjo që ende nuk është provuar dhe mbetet në fazën e hetimeve. Sipas njoftimit zyrtar të Policisë, këto pasuri dyshohet se janë përfituar me financa që rrjedhin nga veprimtaria kriminale, pasi nuk janë të justifikuara nga të ardhurat e biznesmenit Nikolin Janina. Ndonëse ai rezulton të ketë një biznes aktiv të regjistruar në QKR dhe një tjetër shoqëri që momentalisht është e pezulluar, sipas Policisë, të ardhurat që përfiton nga këto biznese nuk e justifikojnë pasurinë prej rreth 4 milionë eurosh që tashmë është sekuestruar. Policia e Shtetit tha se, bazuar në planin e masave operacionale "Vjeshtë 2017", për forcimin e masave për goditjen e grupeve kriminale dhe identifikimin, gjetjen, kapjen me qëllim sekuestrimi, konfiskimi dhe rikuperimi të MILIONE përllogaritet të jetë vlera e pasurive që sekuestroi dje Policia e Tiranës, në zbatim të vendimit të Gjykatës së Krimeve të Rënda, pasuri që rezultojnë në pronësi të biznesmenit të hidrosanitareve Nikolin Janina, që ndodhen në kryeqytet, në Vlorë e në Himarë aseteve kriminale, 12 Drejtoritë Vendore të Policisë kanë marrë masa të posaçme operacionale.
SEKUESTRIMI
Policia e Shtetit tha dje se në kuadër të planit të masave "Vjeshtë 2017", për goditjen e grupeve dhe aseteve kriminale, nga ana e specialistëve të hetimit të Asteve Kriminale në Policinë e Tiranë në bashkëpunim me Prokurorinë e Krimeve të Rënda, është bërë sekuestrimi i pasurive të dyshimta të Nikolin Janina. Sekuestrimi është bërë në zbatim të vendimit nr. 22 të Gjykatës së Shkallës së Parë për krime të Rënda, në funksion të procedimit pasuror nr. 19/ 2017 në ngarkim të shtetasit Nikolin Janina, procedim ky i referuar në Prokurori nga specialistët e Seksionit për Hetimin e Pastrimit të Parave dhe Aseteve Kriminale në Policinë e Tiranës. Janë sekuestruar 4 apartamente të ndodhura në Tiranë, me sipërfaqe totale 450 metër katror, 2 garazhe të ndodhura në Tiranë, me sipërfaqe 40 metër katror, një apartament i ndodhur në Vlorë, me sipërfaqe 65 metër katror, si dhe 31 mijë metër katror sipërfaqe toke në zonën e bregdetit në Drimadhe, Dhërmi, Porto Palermo, Llaman e Amallol në Himarë. "Në total, me një vlerë tregu pasuri të sekuestruar, arrijnë vlerën 4 milionë euro.