Kim Jong- un: Qëllimi ynë, të ekuilibrojmë forcën me SHBA- të
Kim Jong- Un ka festuar për nisjen e fundit të raketave të vendit të tij, duke deklaruar se synon të arrijë një ekuilibër të forcës ushtarake me Shtetet e Bashkuara. Lideri koreano- verior u shfaq duke qeshur kur vëzhgonte se raketa fluturoi nga një lançues i lëvizshëm, në fotot e publikuara nga agjencia zyrtare KCNA. I rrethuar nga disa zyrtarë të lartë, ai tha se "Qëllimi ynë përfundimtar është të vendosim ekuilibrin e forcës reale me SHBA dhe të bëjmë që sundimtarët në SHBA të mos guxojnë të flasin për opsionin ushtarak". Efikasiteti dhe besueshmëria luftarake e ' Hwasong- 12' u verifikua tërësisht. Koreja e Veriut ka nisur dhjetëra rake- ta nën udhëheqjen e Kim, duke ndjekur një program të dizajnuar për t'i dhënë asaj mundësinë për të synuar SHBA- të me një raketë bërthamore. Pas hedhjes së raketës së fundit të premten, Këshilltari i Sigurisë Kombëtare në Shtëpinë e Bardhë, H. R. McMaster, tha se SHBA- ve po i mbaronte durimi me Korenë e Veriut. "Për ata ... që kanë komentuar mungesën e një opsioni ushtarak, ta dinë se ekziston një opsion ushtarak", tha McMaster. Të premten, Këshilli i Sigurimit të Kombeve të Bashkuara e dënoi nisjen e raketave si akt shumë pro- vokativ nga Koreja e Veriut. OKB i ka shtuar tashmë sanksionet kundër Koresë së Veriut, pas testimit të raketës, më 3 shtator. Ambasadori i SHBA në Kombet e Bashkuara, Nikki Haley, i bëri jehonë retorikës së fortë të McMaster. "Ajo që po shohim është se ata po vazhdojnë të jenë provokues, vazhdojnë të jenë të pakujdesshëm dhe në këtë pikë nuk ka shumë që Këshilli i Sigurimit do të jetë në gjendje të bëjë nga këtu, kur ju keni shkurtuar 90 për qind të tregtisë dhe 30 për qind të naftës", tha ajo. Raketa e testit të fundit të Koresë së Veriut fluturoi mbi Hokkaido në Japon- inë veriore të premten dhe ra në Paqësor, rreth 1,240 milje në lindje, sipas Qeverisë japoneze. Raketa ka udhëtuar 2300 milje në total, sipas ushtrisë së Koresë së Jugut, mjaftueshëm sa për të arritur në territorin amerikan Guam, në Paqësor, të cilin Veriu e ka kërcënuar më parë.