Policia rrugore arreston 5 shoferë në vetëm 24 orë

TIRANE – Pesë drejtues mjetesh janë arrestuar gjatë 24 orëve të fundit nga Policia e Tiranës për shkelje të ndryshme. “Rreth orës 01: 00, u arrestua në flagrancë shtetasi M. P., vjeç 50, banues në Tiranë, i dënuar, sepse rreth orës 22: 10, në Rrugën e Barrikadave, duke drejtuar me leje drejtimi mjetin tip ‘ Benz’, ka aksidentuar këmbësorin Sh. D., vjeç 68, banues në Shkodër, i cili ndodhet në spital nën kujdesin e mjekëve”, tha Policia. Sipas saj, u arrestua në flagrancë shtetasi A. Xh., 30 vjeç, banues në Tiranë, pasi rreth orës 03: 00, në rrugën “Ferit Xhajko”, u kap duke drejtuar në gjendje të dehur mjetin tip “Volkswagen”. Policia bën me dije se në orën 03: 00 u arrestua në flagrancë shtetasi O. F., vjeç 26, banues në Tiranë, pasi rreth orës 00: 30, në rrugën e “Freskut”, u kap duke drejtuar në gjendje të dehur mjetin tip “Renault”. Te “Kodra e Diellit”, shtetasi P. M., vjeç 59, banues në Tiranë, duke drejtuar mjetin tip “Benz” ( duke ndezur sinjalin për t’u futur djathtas) ka aksidentuar këmbësorin Th. P., vjeç 53, banues në Tiranë. “Më datë 17.09.2017, ora 02: 00, u arrestua në flagrancë shtetasi F. Gj., vjeç 28, banues në Tiranë, pasi më datë 16.09.2017, rreth orës 23: 50, në Vaqarr, u kap duke drejtuar në gjendje të dehur mjetin tip ‘ Benz’”, tha Policia. Në hetim është edhe shtetasja E. LL., 27 vjeçe, pasi në autostradën Durrës- Tiranë, duke drejtuar mjetin tip “Opel”, ka humbur kontrollin e drejtimit të mjetit dhe për pasojë janë dëmtuar pasagjerët D. H., vjeç 24, dhe S. V., vjeç 23, banues në Tiranë.