Rama takim me Presidentin Trump në selinë e OKB- së
Bushati me kreun e PNUD- it: Mbështesni qeverinë
Kryeministri Rama u takua dje me Presidentin e Shteteve të Bashkuara të Amerikës, Donald Trump, në Nju Jork, në kuadrin e punimeve të sesionit të 72- të të Asamblesë së Përgjithshme të OKB- së. Kreu i qeverisë postoi në llogarinë e tij në Facebook foton familjare të tij me bashkëshorten Linda Rama dhe çiftin presidencial, Donald Trump me Zonjën e Parë Melanie. Kjo është hera e parë që Kryeministri Rama bën një foto familjare me Presidentin Trump, edhe pse bashkë janë takuar në Samitin e NATO- s në Bruksel. Rama ka qenë pjesë e ceremonisë së mikpritjes që organizon çdo vit Presidenti amerikan me krerët e shteteve që vizitojnë OKB- në.
TAKIMET
Në kuadër të punimeve të sesionit të 72- të të Asamblesë së Përgjithshme të OKB- së, ministri për Europën dhe Punët e Jashtme, Ditmir Bus- hati u takua me administratorin e ri të PNUD- it, Achim Steiner. Gjatë takimit u thek- sua rëndësia e vazhdimit të bashkëpunimit të ngushtë dhe të suksesshëm mes Sh- qipërisë dhe OKB- së, në mënyrë të veçantë në koordinimin e ngushtë lidhur me zbatimin e Objektivave të Zhvillimit të Qëndrueshëm dhe angazhimeve në kuadër të Marrëveshjes për Klimën. Ministri Bushati theksoi nevojën që aktiviteti i OKB- së në Shqipëri të jetë maksimalisht i lidhur me përparësitë e reja të programit të qeverisë, të përqendrohet në aspektet e formimit profesional dhe punësimin e të rinjve dhe në tërësi me ecurinë e procesit të integrimit europian. Ministri Bushati e ftoi administratorin e OKBsë për vizitë në Shqipëri. Po në Nju Jork, Bushati, u takua me zv. kryeministrin dhe ministrin e Punëve të Jashtme dhe Europiane të Mbretërisë së Belgjikës, Didier Reynders, si dhe me homologun e tij norvegjez, Børge Brende. Gjatë takimit me homologun Reynders, ministrat vlerësuan bashkëpunimin tërësor mes dy vendeve dhe shprehën angazhimin për forcimin e bashkëpunimit ekonomik, si një nga potencialet ende të pashfrytëzuara.