Azili në BE, 1200 personave u refuzohet kalimi i kufirit
Shtohen rastet e tentativës për të udhëtuar me dokumente false
Fluksi i hyrje- daljeve në Aeroportin e Rinasit dhe pikat e tjera kufitare në periudhën e sezonit turistik nisën të shfrytëzoheshin si mundësi e mirë për shtetasit shqiptarë që kishin si qëllim udhëtimin drejt BE- së për të kërkuar azil.
Kjo situatë bëri që Policia Kufitare të shtonte kontrollet, duke vënë në zbatim disa masa të rrepta me qëllim parandalimin e këtij fenomeni. Zbatim i një urdhri të drejtorit të Përgjithshëm të Policisë me kritere të reja të udhëtimit ua bëri thuajse të pamundur këtë “ëndërr” shtetasve shqiptarë. Por kohët e fundit policët kufitarë kanë zbuluar një formë tjetër të shtetasve që tentojnë të largohen nga vendi për qëllime azili. Burimet thanë se është konstatuar një rritje e tentativës për të kaluar kufirin me dokumente të falsifikuara, kryesisht nga persona që u ishte refuzuar kalimi më herët. Të njëjtat burime thanë se shumica e tyre rezultojnë përsëritës, ndërsa vetëm në Aeroportin e Rinasit, gjatë 3 muajve të fundit janë arrestuar 30 persona për falsifikim letërnjoftimesh e dokumentesh, ndërsa 77 shtetas të tjerë janë proceduar në gjendje të lirë. REFUZIMI I UDHETIMIT
Që prej vënies në zbatim të planit të masave në muajin gusht e deri tani, Policia Kufitare u ka refuzuar kalimin e kufirit 1200 shtetasve shqiptarë. Burimet thanë se këta persona nuk janë lejuar që të udhëtojnë drejt vendeve të ndryshme të Bashkimit Eu- ropian, pasi Policia Kufitare ka pasur dyshime të arsyeshme se ata do të udhëtonin për qëllim azili. “Shtetasit janë refuzuar bazuar në masat shtesë të përcaktuara në urdhrin e Drejtorit të Përgjithshëm të Policisë së Shtetit, urdhër i dalë në fillim të muajit gusht”, tha Policia e Shtetit. Gjatë kësaj periudhe, vetëm në Aeroportin “Nënë Tereza” nuk janë lejuar të fluturojnë 800 shtetas shqiptarë. Nga ana tjetër, burimet thanë se më shumë se 30 shtetas të tjerë janë proceduar për braktisje të fëmijëve në zonën “Shengen”. Masat shtesë për të parandaluar azilin në BE u morën pas një mar- PERSONAVE u është refuzuar kalimi i kufirit që nga muaji gusht e deri tani, pasi nga verifikimi i dokumentacionit të tyre ka pasur dyshime se udhëtimi drejt vendeve të BE- së po kryhej për qëllime azili rëveshjeje me autoritetet franceze, që kishin shprehur shqetësimin për rritjen e numrit të azilkërkuesve. Për zbatimin me korrektësi të këtyre masave, vendkalimet kufitare mbikëqyren edhe nga 7 oficerë të Frontex, të cilët mbërritën në Shqipëri në fillim të muajit shtator.