PS voton kundër arrestit të Tahirit, SHBA: Askush s’duhet të gëzojë imunitet, jo shënjestra të një partie
MAXHORANCA RREZON ME 75 VOTA ARRESTIMIN, LEJON KONTROLLIN VETJAK E TE BANESES. BASHA: REKORD I ZI
Partia Socialiste ka “shpëtuar” dje ishministrin e Brendshëm, Saimir Tahiri, nga kërkesa e Prokurorisë së Krimeve të Rënda për arrestimin e tij.
Socialistët bashkuan votat dje me tre deputetët e Partisë Drejtësi, Integrim dhe Unitet, duke siguruar në këtë mënyrë 75 vota kundër kërkesës së Prokurorisë. Ky votim nga ana tjetër ka bashkuar opozitën PD- LSI, të cilët për herë të parë në Parlament kanë arritur të mbledhin së bashku 60 vota pro arrestimit të deputetit Saimir Tahiri. Votimi Gjatë seancës së djeshme, socialistët në raportin e tyre të hartuar në Këshillin e Rregullores dhe Mandateve pranuan pjesërisht kërkesën e Prokurorisë së Krimeve të Rënda. Me votimin e djeshëm, Prokuroria do të ketë të drejtë që të ushtrojë kontroll personal dhe ndaj banesës së deputetit Tahiri. Në vendimin e saj, PS i ka dhënë të drejtë Prokurorisë që të ndalojë daljen jashtë shtetit të Saimir Tahirit, të vendosë detyrimin për t’u paraqitur para Policisë Gjyqësore, si dhe autorizimin që ndaj deputetit të aplikohet masa për të qëndruar në një vend të caktuar, si masë shtrënguese të heqjes së lirisë. Po ashtu, maxhoranca vendosi të rrëzojë kërkesën e Prokurorisë së Krimeve të Rënda për vendosjen e masës së arrestit me burg ose arrest në shtëpi. Ndërkohë që propozimi i demokratëve ishte që të gjitha kërkesat e Prokurorisë së Krimeve të Rënda të aplikoheshin për deputetin Tahiri. Gjithsesi, kërkesa e PD- së dhe e LSI- së që të arrestohej Tahiri nuk u pranua dhe mori vetëm 60 pro të opozitës dhe 75 vota kundër të maxhorancës, PSPDIU. Gjatë seancës munguan 5 deputetë, Fatmir Xhafaj, Tom Doshi, Vangjel Tavo, Agron Çela dhe vetë, Saimir Tahiri, i cili nuk ka qëndruar në sallë gjatë procesit të votimit.
TAHIRI Ish- ministri i Brendshëm u paraqit dje në Parlament, po nuk ka pranuar të mbajë një fjalim për të paraqitur mbrojtjen e tij nga akuzat e Prokurorisë. Ai ka deklaruar se drejtësinë nuk pret ta gjejë në sallën e Parlamentit dhe pas kësaj fjale të shkurtër është larguar. “Nuk pres ta gjej të drejtën time dhe të vërtetën time këtu në sallën e Parlamentit, por aty ku më takon. Para drejtësisë dhe para gjithë qytetarëve. Rruga ime për të gjetur drejtësinë nuk ndalet dot”, tha dje Tahiri. Ndërkohë që ish- ministri foli në Kuvend, opozita kishte përgati- tur një “koreografi” me pankarta kundër tij dhe qeverisë. Deputetët e PD- së dhe LSI- së kanë mbajtur në duar gjatë gjithë kohës parulla kundër maxhorancës, si “Qeveria e mafies”, “Jo drogës”, “Qeveri e krimit” etj. Por edhe pse seanca ishte pa debate dhe vetëm votim, demokratët e kanë gjetur “shtegun” e rregullores për të folur për çësh- tjen “Tahiri”. Dje, për herë të parë pas 4 vitesh është shfrytëzuar 60- minutëshi i debatit ku diskutohet për çështje të lira. Kjo hapësirë nuk u shfrytëzua asnjëherë gjatë 4 viteve të shkuara, por duke qenë se Gramoz Ruçi nuk toleron asnjë shkelje të rregullores, atëherë opozita i është kthyer “modës së vjetër”, debatit për çështje jashtë rendit të ditës.
DEBATI Ish- kryeministri Sali Berisha ka ironizuar dje kreun e Komisionit të Ligjeve, Ulsi Manja, i cili tha se “historia nuk do t’i falë, dhe as ndërgjegjja jonë, nëse nuk jemi të bindur që të marrim një vendim që cenon atë që quhet kushtetutë”, që në këtë rast ishte për arrestimin e Tahirit. Por gjatë debatit pa mikrofon, Berisha iu drejtua Manjës: “Të mori historia, o Ulsi”, ndërkohë që deputeti i PS iu drejtua: “Kur të mori ty historia, thashë të më marrë dhe mua”. Ky fërkim shkaktoi të qeshurat e Kryeministrit Rama në sallë. Ndërkohë që Berisha gjatë një replike të shkurtër në Kuvend ka sulmuar Edi Ramën se ka shitur dëshmitarin e mbrojtur për çështjen Tahiri. “Njëri që ka shitur dëshmitarin e mbrojtur të Habilajve, oficeren e policisë, ka vetëm një emër dhe ai është Edvin Kristaq Habili, i cili, pasi mori foton nga Bledi Habili, shkoi me vrap në zyrën e Fatmir Xhafës dhe atje identifikuan personin”, tha Berisha. Por fjala Berishës iu ndërpre nga Ruçi: “Nuk diskutohet çështja në seancë”.