Pragu i TVSH ulet në 2 milionë lekë, Rama: Nuk rriten çmimet dhe kostot
Ahmetaj: Do futen në skemën e TVSH 11 mijë biznese të reja, akciza e cigareve do të rritet 7 lekë për paketë
Biznesi me xhiro deri në 2 milionë lekë nuk do të përfshihet në skemën e TVSH- së.
Kryeministri Edi Rama dje gjatë prezantimit të buxhetit 2018 dhe paketës fiskale në Këshillin Kombëtar të Investimeve shpjegoi arsyet e uljes së pragut të TVSH- së, nga 5 milionë në 2 milionë lekë. Kryeministri Rama tha se do të ishte një kosto e pamerituar për biznesin me xhiro deri në 2 milionë lekë të përfshihej në skemën e TVSH- së. “Përfundimisht, duke zhvilluar dhe një proces intensiv dëgjesash në të gjitha nivelet me sipërmarrjen, me ekspertë të fushës, brenda qeverisë, të pavarur dhe bazuar dhe në ekspertizën ndërkombëtare që na asiston, kemi vendosur që për sa i përket nivelit të TVSH- së do të ulim pragun në 2 milionë lekë, pasi besojmë që në këtë fazë, jo vetëm garantohemi për suksesin e operacionit an- tiinformalitet, duke e bërë shumë më të vështirë për bizneset e mëdha, apo ato më të vogla që të nënraportojnë xhirot e tyre, e kësisoj, duke ndihmuar ndjeshëm konkurrencën e ndershme në formalizmin e biznesit. Por, nga ana tjetër, besoj që do të ishte me kosto të pamerituara për fashën deri në 2 milionë që të përfshihej në skemën e TVShsë”, shpjegoi Kryeministri Rama. Kryeministri Rama pohoi se ulja e pragut të TVSH- së nuk rrit kostot e biznesit dhe çmimet, por ka si qëllim vetëm luftën kundër informalitetit. “Kushdo që shqetësohet për rritje kostosh administrative, apo për rritje të çmimeve nuk duhet të shqetësohet, pasi, as njëra dhe as tjetra nuk do të ndodhin dhe gjithçka do të zhvillohet natyrshëm në raportin mes xhiros reale dhe nevojës reale për administrim dhe, mbi të gjitha, ajo që është më e rëndësishme, është që, ulja e pragut të TVSH- së nuk do të thotë, përkundrazi, se të gjitha bizneset që operonin në pragun e derisotëm bënin evazion. Pra, një pjesë e konsiderueshme e bizneseve të vogla që ishin jashtë skemës së TVSH- së dhe që janë ende deri në hyrje në fuqi të skemës së re kanë vepruar në mënyrë korrekte. Pra, këtu bëhet fjalë për një goditje vendimtare dhe përfundimtare ndaj gjithë asaj pjese të biznesit të vogël që ka vepruar në mënyrë jokorrekte, duke bërë konkurrencë të pandershme brendapërbrenda biznesit të vogël dhe duke ushqyer të gjitha kanalet e konkurrencës së pandershme mes kompanive të biznesit të madh”, u shpreh Rama.
AHMETAJ Ministri i Financave dhe Ekonomisë, Arben Ahmetaj, prezantoi dje para biznesit elementet kryesore të paketës fiskale. Ministri Ahmetaj tha se me uljen e pragut të TVSHsë në skemë do të përfshihen 11 mijë biznese të reja. “Ulja e pragut të TVSH- së nga 5 milionë në 2 milionë, fut në skemë vetëm 11 mijë tatimpagues të rinj. Nuk ka kosto, nuk ka rritje çmimesh. Ne e kemi nivelin e pragut të TVSH- së 20 mijë dollarë, edhe vendet si Finlanda, Franca, Hungaria, Greqia, Belgjika e kanë pragun e TVSH- së 10 mijë dollarë”, tha Ahmetaj. Ministri shpjegoi se rritja e akcizës nuk është një risi, por e parashikuar në ligjin e akcizave. Ahmetaj tha se për 2018- n akciza do të rritet 7 lekë për paketë. “Akciza e cigareve nuk është një risi, është një riskedulim i menduar së bashku me industrinë në 4 vite, pra nuk është surprizë. Në 2017- n ne e ngrimë riskedulimin, pra do të duhej të ishte rritja në dy MILIONË lekë xhiro në vit do të jetë pragu i ri i skemës së TVSH- së, nga 5 milionë lekë që është aktualisht. Kryeministri Rama garantoi se ndryshimet nuk rrisin çmimet e kostot e sipërmarrjes vite, jo 7 lekë për paketë, por 10 lekë për paketë. Ne e kemi reduktuar rritjen nga 10 lekë për paketë në 7 lekë për paketë. Me nivelin e akcizës ne vazhdojmë të jemi prapa me vendet e rajonit, përveç Maqedonisë. Legjenda urbane që ne kemi akcizën më të lartë nuk është e vërtetë, edhe me ngritjen që bëjmë, shkojmë larg niveleve mesatare të rajonit”, tha Ahmetaj. Duke u ndalur te paketa fiskale, Ahmetaj u shpreh edhe për ndryshimet e tjera. “Për taksimin e pasurive dua të them se kemi filluar krijimin e kadastrës, pasi kemi kaluar në taksimin e pasurisë nga fikse në përqindje sipas vlerës së tregut. Sigurisht që është një përpjekje që do BIZNESE të reja do të përfshihen në skemën e TVSH- së, sipas ministrit të Financave Ahmetaj me ndryshimin e pragut. Jashtë skeme do të mbeten berberët, taksistët, zejtarët, shitësit e tezgave kohë të konsolidohet, por fillimi është i mirë. Ndërhyrje të tjera kemi bërë në prodhimin e softwer- ve. Për peshkimin, për shkak të gjenerimit të flotave dhe shtimit të prodhimit për këtë, përjashtohen makineritë e bordit të anijeve nga TVSH- ja”, shpjegoi ministri Ahmetaj. Për rritjen ekonomike të këtij viti, ministri i Financave u shpreh se do të jetë 3,8 për qind. “Këtë vit, rritja ekonomike mendohet të jetë 3,8 për qind. Fondi Monetar Ndërkombëtar e ka riparë parashikimin në 3,9 për qind dhe me këtë shifër ne jemi baras me Rumaninë, duke kryesuar tabelën e rritjes ekonomike të vendeve ishkomuniste”, tha Ahmetaj.