S'gjente punë pas kthimit nga Greqia, vetëdigjet
ELBASAN - Një i ri i ka dhënë fund jetës duke u lyer me benzinë dhe më pas i vuri flakën vetes. Për shkak të shkallës së rëndë të djegies, ai ndërroi jetë pak orë pas ngjarjes. Ngjarja ka ndodhur në lagjen "28 Nëntori" në Elbasan. Sipas të dhënave, Elton Hodo, 38 vjeç, kishte më pak se një vit që ishte kthyer nga emigracioni dhe po përballej me probleme psikologjike, pasi kohët e fundit vuante nga depresioni. 38- vjeçari, pasi ka blerë një bidon me 10 litra benzinë pranë një pike karburanti përgjatë autostradës Elbasan- Metalurgji, ka dalë në buzë të rrugës dhe ka spërkatur veten me lëndën djegëse. Më pas, me një çakmak i ka vënë flakën trupit të tij. Kanë qenë qytetarë të rastësishëm që po lëviznin me automjete, që kanë vënë re të riun e pushtuar nga flakët dhe i kanë ardhur në ndihmë. Pas mbërritjes së policisë dhe ambulancës në vendin e ngjarjes, i riu ësh- të dërguar në spitalin kirurgjik të Elbasanit në gjendje të rëndë shëndetësore. Sipas mjekëve, shkalla e djegies ishte e rëndë dhe se ishte e pamundur që i riu të fliste dhe të identifikohej. Por, kanë qenë persona të afërm të tij që e kanë identifikuar, pasi kanë mësuar ngjarjen nga mediat. Mjekët e spitalit kirurgjik në Elbasan, duke para gjendjen kritike të të riut, e kanë dërguar për ndihmë më të specializuar në Tiranë, por i riu ka ndërruar jetë gjatë rrugës. 38- vjeçari, banor i lagjes "Syrja Dylgjeri", ndërroi jetë rreth tri orë pas ngjarjes. Familjarët kanë deklaruar gjatë marrjes në pyetje nga policia se Elton Hodo kishte jetuar për disa vite si emigrant në Greqi. Ai kishte rreth një vit që ishte kthyer. Pamundësia për të gjetur punë dhe problemet financiare, duket se kanë çuar të riun në gjendje depresive, që u bë edhe shkak për dhënien fund të jetës.