Kufij të paqetë, aleatë vulnerabël dhe rritja e rivalëve
Sigurinë Kombëtare i SHBA- ve. Teza e z. Mitchell është që fuqitë “revizioniste” të Kinës, Iranit dhe Rusisë janë duke hetuar pikat më të ekspozuara dhe të pambrojtura në sistemin e aleancave të Shteteve të Bashkuara dhe se Presidenti i SHBA ( Trump) do të përballet me sfida shumë më të rrezikshme nëse ai nuk merr masa të forta për të rivendosur fuqinë amerikane. Mitchell shkruan në librin e 2016- s se, fuqitë revizioniste do të përshkallëzojnë konfliktet, duke kërkuar që Shtetet e Bashkuara të kenë rreziqe dhe kosto më të mëdha për të mbrojtur rendin ekzistues botëror.
Në këtë qasje, z. Mitchell i afrohet më shumë teorisë së çuar përpara nga autori John MacKinder, që shkruante se hegjemonia globale është e barabartë me kontrollin e kontinentit euroaziatik, i cili shtrihet nga qendra e Europës deri në kufijtë lindorë të Rusisë e rrethuar nga oqeani Atlantik, Indian dhe Arktik. Kjo për shkak se toka kontinentale është vendbanimi i pjesës më të madhe të popullsisë botërore dhe në të ndodhen shumica e burimeve natyrore të botës.
Në tezën e z. Mitchell pranohet se edhe shtetet e vogla periferike, si për shembull Shqipëria, luajnë një rol domethënës në sistemin e aleancave të Shteteve të Bashkuara të Amerikës. Ndaj dhe dobësitë strukturore të brendshme të shteteve aleate të SHBA- ve, si korrupsioni, krimi i organizuar dhe mungesa e një sistemi drejtësie, janë objektiva të politikës së jashtme të saj. Nuk mund të pranohet assesi që në një vend të NATO- s të këtë dobësi strukturore që kërcënojnë sigurinë rajonale dhe rendin kushtetues.
Asistentsekretari i Shtetit për Europën dhe Euroazinë, Wess Mitchell, shkruan se, “korrupsioni në vend në tranzicion është një problem i sigurisë kombëtare të SHBA dhe se ka faktorë gjeostrategjikë që mundohen të shfrytëzojnë problemet e qeverisjes në këto shtete të korruptuara dhe të implikuara me krimin e organizuar”. Kjo është e qartë.
Vendet ku korrupsioni është i përhapur vertikalisht dhe horizontalisht, krimi organizuar përdor infrastrukturën shtetërore për të amplifikuar fuqinë e saj dhe kultivim/ trafikimi i lëndëve narkotike zëvendëson ekonominë reale – në teorinë e z. Mitchell klasifikohen si aleatë vulnerabël në sistemin e aleancave të SHBA- ve.
Rekomandimet në librin “Kufij të paqetë, aleatë vulnerabël dhe rritja e rivalëve” ( 2016), të A. Wess Mitchell dhe Jakub J. Grygiel, janë që aleatët e SHBA- ve duhen mbështetur nëpërmjet diplomacisë aktive dhe vendosjes së forcave ushtarake në ose pranë zonave potenciale të konfliktit. Këto përfshijnë politikat diplomatike që u japin përparësi aleatëve, prani ushtarake, inteligjencë të përbashkët dhe ndihmë në rritjen e kapaciteteve.
Në këtë kuptim, diplomacia e atleteve mund ta dëmtojë Shqipërinë kundrejt integrimit europian, sidomos pas shfaqjeve të impulse antiperëndimore, të pakontrolluara, që e kthejnë vendin në një Aleat vulnerabël dhe të paqëndrueshëm. Sinkronizimi me interesat e faktorit euroatlantik dhe përmirësimi i treguesve të demokracisë së brendshme përmes një sistemi drejtësie që lufton krimin e organizuar dhe korrupsionin janë rruga e vetme për një lidership perëndimor.