PD gjysmëbojkot në Kuvend, Strazimiri: Po fshihni Tahirin
Ironia e Finos: Halimi ishte më lart dje, ra niveli sot!
Partia Demokratike vijon të përdorë strategjinë e saj parlamentare për t’i shfrytëzuar komisionet parlamentare për rikujtimin e çështjes “Tahiri”.
Edhe në Komisionin e Ligjeve, deputetët demokratë refuzuan të diskutojnë për marrëveshjen për projektin e linjës së transmetimit 400 kv ShqipëriMaqedoni, por i rikujtuan PS- së se si mbrojti nga akuzat e Prokurorisë deputetin Saimir Tahiri. Nënkryetari i Grupit Parlamentar të PD, Gent Strazimiri, i kujtoi kreut të Komisionit të Ligjeve, Ulsi Manja, se në korridoret e Kuvendit kalon një njeri i kërkuar nga Prokuroria e Krimeve të Rënda pas provave të sjella në vendin tonë nga Antimafia italiane. “Ju harroni vazhdimisht që në korridoret e këtij Kuvendit sillet me imunitet një njeri që është i kërkuar nga Prokuroria e shtetit me pro- va të Antimafias italiane për pjesëmarrje në organizatë kriminale. Kënaqësia që shoh në fytyrën tuaj kryetar është që nuk është një aksident, nuk është një gjë që ju ka ndodhur papritmas. Keni qenë të përgatitur që kjo do të ndodhte, keni përfituar prej kësaj dhe sot e mbroni. Është detyra ime si ligjvënës, në emër të opozitës dhe në emrin tim personal, t’ju kujtoi që ky është tempulli ku përfaqësohet populli dhe njerëzit e ndershëm, jo orga- nizatat e trafikut të drogës. Nuk është një vend për të fshehur këtu persona që i kërkon Prokuroria me prova të Antimafias italiane. Ky është një vend që të respektohet ligji, së pari nga ne. Ju po e mbroni mafien në kurriz të shtetit dhe ky është gabimi më i madh i mundshëm”, deklaroi Strazimiri. Por deklaratës së deputetit demokrat iu përgjigj me ironi deputeti i PS- së, Bashkim Fino, i cili i kujtoi se kolegu i tij, Eduard Halimi, ka bërë deklarata më cilësore. “Halimi ishte më lart dje, ra niveli sot. Fol ti Halim të paktën”, tha me ironi Fino. Por vetë deputeti demokrat Halimi i kërkoi ish- kryeministrit Fino të mos mbronte lidhjet e ishministrit Tahiri me vëllezërit Habilaj, ndërkohë që ky i fundit i kujtoi se nuk i ka miq Habilajt.