REPLIKAT TE KOMISIONI I LIGJEVE
Habilajt të ndëshkohen. Kur kapen nga oficerët e Antidrogës, ata shkojnë në burg, dhe Habilajt shkojnë në shtëpi dhe vazhdojnë e kthejnë Adriatikun në autostradë droge. Që tenderët për ndërtimin e komisariateve të mos i marrin shokët e ministrave, por me procedura të hapura.
Eduard Halimi: Institucionet e drejtësisë janë aty që të luftojnë 20 familjet kriminale dhe 4 klanet kriminale. Institucionet e pavarura janë aty në një republikë dhe shtet të së drejtës, që paratë e drogës të mos jenë dhe të mos kthehen në një institut për blerjen e votës. Që baronët e drogës të ndalohen, të mos kenë mundësi që kur ndalohen nga policia, policët të venë në burg, kurse baronët të vazhdojnë të qetë veprimtarinë e tyre kriminale.
Ulsi Manja: Po pra mor, të mos humbin kohë dhe t’i japim lekët që i duhen për të bërë detyrën...
Eduard Halimi: Këtë po them, që Habilajt të ndëshkohen. Kur kapen nga oficerët e Antidrogës, ata shkojnë në burg, dhe Habilajt shkojnë në shtëpi dhe vazhdojnë e kthejnë Adriatikun në autostradë droge. Që tenderët për ndërtimin e komisariateve të mos i marrin shokët e ministrave, por me procedura të hapura.
Ulsi Manja: Zoti Halimi, po na humbet kohën se i kemi të ftuarit. Nuk më duket serioze kjo..
Eduard Halimi: E gjitha kjo është për t’u dhënë institucioneve të drejtësisë gjithçka që ato kërkojnë. Që institucionet e pavarura të mos kenë alibi që nuk e luftuam dot krimin, nuk e luftuam dot korrupsionin, nuk i futëm dot në burg baronët e drogës se nuk kishim fonde. Ndaj qasja që duhet të ketë Komisioni i Ligjeve është ajo e mbësh- tetjes së institucioneve të pavarura. Ju, zoti kryetar, keni bërë një gabim që keni sulmuar në një konferencë shtypi Prokurorinë për një çështje..
Ulsi Manja: Dil edhe ti, bëj deklaratën atje poshtë, jo në Komision të Ligjeve.
Eduard Halimi: Të them unë pse nuk e bëj dhe pse ti nuk duhet ta bëje.
Ulsi Manja: Po ty s’të marr leje unë se çfarë bëj.
Eduard Halimi: E para njëherë, se je kryetari i Komisionit të Ligjeve...
Ulsi Manja: Kryetar i Komisionit të Ligjeve jam këtu në sallë, atje jam deputet i thjeshtë.
Eduard Halimi: Si kryetari i Komisionit të Ligjeve të ndalohet që të sulmosh Prokuror-
inë për një çështje të caktuar. Mund ta bëjë secili nga deputetët, por kryetari i Komisionit të Ligjeve nuk mund ta bëjë... Ulsi Manja: S’kam nevojë për leksione.
Eduard Halimi: Unë e di që s’ke nevojë. Ke ndërmend të bësh kamikazin për Kryeministrin, bëje, por më lër të mbaroj. O Ulësi, para se të jesh politikan, unë dhe ti jemi profesionistë të ligjit dhe si profesionistë, ke qenë dhe prokuror... unë avokat. S’duhet ta bësh më!
Ulsi Manja: Ti ke qenë në anën e krimit, kurse unë në anën e shtetit. Eduard Halimi: Unë s’kam qenë kurrë në anën e krimit.
Në anën e krimit janë ata që zgjedhin deputetët me rekorde kriminale. Ata që dalin mbi Kushtetutën.. Ulësi, mos e bëj më. Boll e neveritshme është bërë politika, por mos e neverit më.
Genti Kosumi( sekretar i përgjithshëm i Prokurorisë): Kërkojmë një shtesë prej 58 punonjësish. Struktura e dekriminalizimit ka nevojë për një shtesë, 2 oficerë Policie Gjyqësore, 3 nëpunës civilë specialistë juristë dhe 1 sekretar. Kërkojmë 18 ekspertë. 7 ekspertë kontabël, autoteknikë, 2 ekspertë vlerësues të pasurive të paluajtshme dhe një ekspert të krimit kibernetik. Këta punonjës do të shpërndahen nëpër prokurori.
Bashkim Fino: Është luksi i madh ai që kërkoni. Genti Kosumi: Kërkesa jonë është 21 psikologë ose sociologë.
Eduard Halimi: Lerë ore të flasë, keni katër javë që sulmoni Prokurorinë.
Bashkim Fino: Kjo është çështje financash, jo çështje Prokurorie.
Eduard Halimi: Ajo strukturë nuk do të ishte fare po të ishte për ju.
Bashkim Fino: Do të flas sa herë të dua, jam relator... Do t’ju pyes juve sa herë do flas? Po bëni ju avokatin e Prokurorisë... Po dilni shumë keq...
Gent Strazimiri: Këta duhen vrarë, o Bashkim, se janë sjell keq me ju... U bënë ata të kërkojnë t’ju arrestojnë Saimirin( Tahirin)... Të arrestojnë Saimirin, je në terezi ti...?!
Bashkim Fino: Po, po, bëni zhurmuesin kot... Meqë prokurorisë i duhen gjashtë persona për dekriminalizimin, ne t’i vëmë 10 në dispozicion. T’u japim afat 6 muaj, të fillojnë punën prokurorët, të bëjnë qilizmë të plotë, jo vetëm të politikës. Nuk është vetëm politika, se ne hedhim baltë për veten tonë. Ta bëjmë qilizmën të plotë...
Ulsi Manja: Besoj deri në rakordimin e plotë të buxhetit, Ministria e Financave dhe Prokuroria të rakordojnë për këto çështje. Pse jo, me ato mundësi që kemi të garantojmë funksionimin normal të punës së Prokurorisë së Përgjithshme. Do rakordojmë prapë.
Eduard Halimi: Bashkim Fino po bëhet gati për qeverinë antimafia...