Qëndrim dinjitoz në takimin e Kretës
Saimir Zalli, para 3 javësh kërcënoi se do të hidhej nga vinçi
Një 35- vjeçar, baba i dy fëmijëve të mitur, i vuri flakën vetes mëngjesin e djeshëm në Tiranë, duke u djegur në 20 për qind të trupit.
Ngjarja ndodhi para Parlamentit dhe fatmirësisht dëshmitarët e pranishëm aty arritën të ndërhyjnë duke e shpëtuar. I plagosuri është Saimir Zalli, nga Lezha, i cili edhe tri javë më parë kërcënoi se do të hidhej nga një vinç ku kishte hipur, pranë Pallatit të Kulturës. Të dyja këto veprime Zalli i ka kryer për shkak se ish- vjehrra nuk e lejon të takojë fëmijët, edhe pse Gjykata ka vendosur në favorin e tij. Mëngjesin e djeshëm, ai ka tentuar të vetëvritet në shenjë proteste për shkak të moszbatimit të ligjit, duke spërkatur veten me benzinë dhe më pas i ka vënë flakën. Pasi është shpëtuar nga dëshmitarët, shërbimet e Policisë mbërritën në vendin e ngjarjes dhe një autoambulancë e transportoi në Spitalin “Nënë Tereza”, ku aktualisht vijon të marrë mjekim.
HISTORIA Saimir Zalli, babai i dy fëmijëve, ka kërcënuar me vetëvrasje rreth 3 javë më parë, pasi kishte hipur në një lartësi të konsiderueshme, në një vinç pas Pallatit të Kulturës në kryeqytet. Shkak për këtë veprim ekstrem të tij është bërë pengesa që i bëhet atij nga familjarët e ish- gruas, të cilët nuk e lejojnë që të takojë dy fëmijët e tij. I ftuar në emisionin “Me zemër të hapur” në “News24”, disa ditë më parë, 35- vjeçari nga Lezha tregoi historinë e trishtë të jetës së tij. Ai rrëfeu se si është njohur me ish- bashkëshorten e tij 10 vite më parë. Duke qenë se në atë kohë vajza nuk i kishte bërë as 17 vjeçe, ata u detyruan të martohen pa lejen e prindërve. Por kjo gjë nuk u pranua asnjëherë nga prindërit e vajzës. Zalli shpre- hej se fillimisht martesa e tyre ishte e lumtur, por më pas kanë ndërhyrë nëna dhe motra e ish- gruas, duke bërë që të nisnin edhe konfliktet që i çuan drejt divorcit. Saimir Zalli ka treguar shkaqet që e detyruan të hipë në vinçin në mes të Tiranës. “Sa u ktheva nga zyra e përmbarimit, pashë vinçin dhe shkova. Nuk pashë rrugëzgjidhje tjetër. Ç’kuptim ka jeta ime pa fëmijët. Përmbaruesja dhe psikologja hynë brenda për të folur me vajzat, ndërsa mua më lanë jashtë me dy in- spektorë të zonës. Vajza e madhe më është larguar. E kanë ‘ fryrë’ kundër meje”, shprehej në emision Saimir Zalli. Ai ka treguar se dy vite pas divorcit, ish- gruaja e tij pësoi një aksident rrugor. Por në një tjetër aksident të dytë, dëmtimet që ajo pësoi ishin të mëdha, dhe sot është e paralizuar.