“Axhenda liberale 2020”, Instituti Pashko lançon pesë projektet
Ky program përbëhet nga 5 projekte kërkimore që do drejtohen nga studiuesit më me emër në UET dhe ekipet e tyre kërkimore
Shkenca duhet të dalë prej mureve të universitetit dhe të impaktojë shoqërinë.
Me këtë synim Instituti Europian Pashko ka lançuar dje programin kërkimor për tre vitet e ardhshme, si pjesë e “Axhendës Liberale 2020”, me 5 projekte kërkimore që prekin direkt fusha të ndjeshme të zhvillimit ekonomik e social të vendit si; liberalizimi i tregjeve, feja dhe shteti, problemet e arsimit dhe kujtesën historike. Në krye të këtyre projekeve janë emrat më të shquar të trupës pedagogjike që ka Universiteti Europian i Tiranës, me gradat profesor doktor si; Adrian Civici, Tonin Gjuraj, Nevila Nika, Erleta Mato dhe Ferit Duka. Ata do të ndërtojnë ekipet e tyre studimore për të sjellë në fund të kërkimeve një dokument serioz që do t’i propozohet politikbërjes në fusha të ndryshme.
Duke prezantuar këtë program Selami Xhepa, presidenti i IEP- së tha se “ideja është që kërkimi shkencor që realizohet nëpërmjet veprimtarisë që zhvillon trupa jonë akademike të përcillet në fomën e rekomandimeve që ne duhet t’i bëjmë politikbërjes në Shqipëri në reforminin që duhet të kontribojmë nëpërmjet punës sonë akademike”.
Prezantimi i programit “Axhenda Liberale 2020” u përshëndet dhe ngaSonila Qato, Ministre Shteti për Mbrojtjen e Sipërmarrjes, e cila vuri theksin tek bashkëpunimi me çdo lloj organizate apo instituti që jep kontribut shkencor në fushën e sipërmarrjes e tregut të lirë.
“Doja të shprehja vullnetin që ka qeveria, por mbi të gjitha zyra e ministrisë së shtetit për mbrojtjen e sipërmarrjes, e cila në bashkëpunim me çfarëdolloj organizate apo instituti i cili krijohet për të dhënë një kontribut shkencor në fushën e biznesit, sipërmarrjes apo tregut të lirë. Ne jemi të gatshëm që jo vetëm ta zhvillojmë, por të marrim feedback- un nga veprimtaria e këtij instituti në mënyrë që ta parashtrojmë dhe ta mar- rim në shqyrtim në tryezat vendimmarrëse, aty ku edhe ky produkt do të ketë eficencën e vet në fushën e politikëbërjes. Ndaj dhe bashkëpunimi i zyrës që unë drej- toj me këtë institut do të jetë një bashkëpunim, i cili premtohet i mirë dhe me të cilin ne premtojmë që do kemi edhe produkte të cilat sipërmarrja i kërkon për të qenë në nive- lin e të gjithë sipërmarrjeve bashkëkohore në rajon për të krijuar klimën e një sipërmarrje sa më konkuruese, si në rajon edhe drejt BE, ku duam të futemi”- u shpreh zonja Qato.
Një prej projekteve të axhendës liberale i kushtohet pikërisht liberalizimit të tregjeve dhe drejtohet nga ekonomisti i njohur, presidenti i UET- it, Prof. dr. Adrian Civici. “Ky projekt më shumë se sa me liberalizimin e tregjeve, ka të bëjë me shikimin e tregjeve si një institucion. Ne kemi 26 vjet që themi ekonomia e tregut në Shqipëri pot vuajmë nga disa elementë që nuk na lënë të kemi efiçencë maksimale. E para nga trashëgimia socialiste ku tregu ishte formal, nga koncepti që tregun e barazon me pazarin e ekonomisë shtëpi- ake dhe vuajmë dhe nga mungesa e eksperiencës së tregut si institucion”- tha Civici.
Rektori i UET- it, prof. dr. Tonin Gjuraj do të drejtojë projektin “Menaxhimi i universiteteve në tregun e arsimit të lartë”, një debat që ekziston prej disa vitesh tashmë me nisjen e reformës në arsimin e lartë. “Menaxhimi i ri i arsimit të lartë është një temë që ka pasur një debat të gjërë këto vitet e fundit. Tani është momenti që si një projekt kërkimor gjërat të jenë më shkencore dhe të prodhojnë një dokument që ti vihet në shërbim politikbërjes.”- tha Gjuraj.
Një projekt shumë interesant është ai që do të drejtohet nga dekania e re e Fakultetit Juridik në UET, prof. dr. Nevila Nika, “Trashëgimi, kujtesë, edukim”, e cila vjen nga një eksperiencë e gjatë në arkiva. Ky projekt historik ka të bëjë me trashëgiminë dhe kujtesën historike, që për Nikën është fenomeni i erozionit të kujtesës. “Projekti parashikon që të kemi një kthim pas në të kaluarën, për të kapur pikërisht atë që i duhet të sotmes tonë për të parë më mirë të ardhmen”tha ajo.
Projekti që do të udhëheqë prof. dr. Erleta Mato ka të bëjë me filozofinë e re arsimore në arsimin parauniversitar dhe titullohet “shkolla, shkollari në shekullin XXI”. Ndërsa historiani i njohur prof. dr. Ferit Duka do të drejtojë ekipin e studiuesve për një temë delikate, por që i përgjigjet shqetësimeve të kohës, atë të marrëdhësies së shtetit me fenë dhe rolin e fesë në shoqëri “Marrëdhënie e re shtet, fe, shoqëri”.