MARRËVESHJET
Presidenti Donald Trump tha të enjten në Pekin se ai dhe Presidenti Xi Jinping janë dakord se ka një zgjidhje për konfliktin me Korenë e Veriut dhe janë zotuar për zgjidhjen e krizës së bashku.
“Unë besoj se ka një zgjidhje për këtë, ashtu si edhe ju”, tha ai pas takimeve me zyrtarët kinezë. Trump tha më vonë, në një deklaratë për mediat, se ai dhe Xi u pajtuan të mos përsërisnin qasjet e dështuara të së kaluarës, dhe të tilla ka pasur shumë, sepse duhej të merreshin me një kërcënim shumë të rëndë bërthamor. “Ndoshta tani më shumë se kurrë kemi një mundësi për të forcuar marrëdhëniet mes dy vendeve tona dhe për të përmirësuar jetën e qytetarëve tanë. Për sa kohë të qëndrojmë së bashku, edhe me të tjerët nëse është e nevojshme, kundër atyre që kërcënojnë qytetërimin tonë, ky kërcënim nuk do të ndodhë kurrë. Nuk ka asnjë shans”, tha Trump. Presidenti tha gjithashtu të enjten se ai nuk e fajëson Kinën për deficitin e saj gjigant tregtar me SHBA- të. Trump tha se ishte administrata e kaluar amerikane ajo e cila lejoi që marrëdhëniet ekonomike mes dy vendeve të dilnin kaq jashtë linjës. Trump dhe Xi u takuan me zyrtarë kinezë dhe amerikanë për dy orë të enjten në mëngjes. Në deklaratat e përbashkëta për gazetarët me Trump, pas përfundimit të takimeve, Xi tha se të dy udhëheqësit kishin përsëritur angazhimin e tyre të përbashkët për të arritur denuklearizimin e gadishullit korean. Xi theksoi se Shtetet e Bashkuara dhe Kina janë dy vende të veçanta, me dy anë ose pikëpamje të ndryshme, dhe se një marrëdhënie e shëndetshme, e qëndrueshme dhe në rritje mes SHBA- ve e Kinës është në dobi të të dyja kombeve. “Ne besojmë se Kina dhe Shtetet e Bashkuara janë vende me ndikim të rëndësishëm në Azinë e Paqësorit. Siç i thashë presidentit, Oqeani Paqësor është mjaft i madh për të akomoduar Kinën dhe Shtetet e Bashkuara”, tha presidenti kinez, duke lënë të kuptohet se ka edhe një lloj sheshimi të mosmarrëveshjeve për Detin e Kinës së Jugut. Presidenti amerikan doli nga bisedimet i bindur se Kina ( për të cilën më parë ai kishte thënë se po Trump tha se negociatat tregtare janë në një fillim shumë të mirë të enjten, pasi bizneset e SHBA- ve nënshkruan 250 miliardë dollarë në marrëveshje jodetyruese. “Boeing”, “General Electric” dhe “Qualcomm” ishin mes kompanive që fituan më shumë, duke supozuar se marrëveshjet e arritura mes dy presidentëve do të qëndrojnë edhe në kontrata reale, pasi vizita e Trump të përfundojë. “Shtetet e Bashkuara me të vërtetë duhet të ndryshojnë politikat e tyre, sepse deri tani janë pas tregtisë me Kinën dhe sinqerisht me shumë vende të tjera”, tha Trump. e “përdhunonte” SHBA- në në tregti), do të ishte një aleat i qëndrueshëm në rajon dhe një partner i besueshëm kur të bëhet fjalë për trajtimin e pabarazive ekonomike mes dy vendeve, në një ndryshim dramatik nga mosmarrëveshjet e tij të mëparshme me qeverinë kineze.