LISTA ZYRTARE Të përndjekurit, 1430 emrat që marrin paratë

Financat bëjnë gati pagesat për trashëgimtarët e të përndjek urve. 1430 emrat që marrin dëmshpërblimin, afatet e dok umentet që duhen

Janë 1430 dosje të shqyrtuara nga radhët e trashëgimtarëve, të cilat kanë gati këstin e dytë të dëmshpërblimit.

Ministria e Financave ka publikuar dje listën e plotë të përfituesve, të cilët duhet të dorëzojnë numër llogarie, si dhe një kopje të kartës së identitetit. Këtë mund ta bëjnë dorazi ose nëpërmjet shërbimit postar. "Përfituesit në listën e mëposhtme, të cilët nuk kanë dorëzuar ende dokumentacionin për këstin e dytë, duhet të përditësojnë numrin e llogarisë bankare ( të jetë i muajit aktual i firmosur dhe vulosur nga banka), si dhe fotokopje të mjetit të identifikimit", thuhet në njoftimin e Financave. Edhe ky vit, sikundër një vit më parë, "rrezikon" të mbyllet me bilanc negativ sa i takon zerimit të fondit për trashëgimtarët. Një ndër arsyet që ka çuar në bllokim të pagesave, krahas pamjaftueshmërisë së fondit, ka qenë edhe fakti që për ndarjen e çdo kësti duhet që secili prej familjarëve që ka aplikuar, të plotësojë dosjen. Nëse kjo nuk ndodh, atëherë privohen nga e drejta e përfitimit familjarët e tjerë që mund të jenë treguar korrektë në dorëzimin e dokumenteve. Këtë vit janë 6 milionë dollarë të vënë në dispozicion nga buxheti i shtetit për kategorinë e trashëgimtarëve. Deri më tani mësohet se është ndarë vetëm 20% e fondit. Ndarja e parave bëhet duke ruajtur rendin e pagesave të mëparshme, çka do të thotë se ai që ka marrë këstin e parë, do të jetë në radhë të parë për të përfituar këstin e dytë, e kështu me radhë. Ligji i ndryshuar parashikon që pasi të jetë mbyllur kapitulli i dëmshpërblimit për kategorinë parësore, i gjithë fondi vjetor që do vendoset në dispozicion nga buxheti i shtetit, do të transferohet për t'u përdorur për trashëgimtarët.