Paloka: Në Durrës, krimi e politika janë një

“Rama dhe Dako po heshtin sa të kapin Prokurorinë”

Partia Demokratike akuzon Kryeministrin Rama se po tenton të marrë nën kontroll Prokurorinë për t’u dhënë mbështetje të gjithë përfaqësuesve të tij të lidhur me krimin. Në një deklaratë për mediat, nënkryetari i PD- së, Edi Paloka, duke iu referuar akuzave ndaj kryebashkiakut të Durrësit Vangjush Dako deklaroi se në Durrës politika dhe krimi janë bërë një. “Në Durrës politika dhe krimi janë bërë një. Këtë model Edi Rama e ka ngritur kudo njësoj – në Durrës, Elbasan, Tiranë. Formula është “përdor krimin dhe paratë për të marrë zgjedhjet. Më pas, me pushtetin e fituar pasurohu për vete, pasuro dhe krimin”. Por Edi Rama dhe Vangjush Dako nuk u japin asnjë shpjegim shqiptarëve. Qëllimi i tyre është të heshtin deri sa të kapin plotë- sisht Prokurorinë. Marrja nën kontroll e Prokurorisë dhe sistemit të drejtësisë e bën Vangjush Dakon të ndihet i paprekshëm. Edi Rama po e trajton kryetarin e Bashkisë së Durrësit njësoj si Saimir Tahirin. Po i jep mbrojtje politike nga drejtësia, sepse gjithçka dhe të gjithë lidhen me Edi Ramën”, deklaroi Paloka. Sipas nënkryetarit të PD- së, kreu i Bashkisë së Durrësit, Vangjush Dako, është regjistruar në biseda me kriminelë të rrezikshëm gjatë zgjedhjeve parlamentare. “Modeli dhe formula provohen nga përgjimi që disponon Prokuroria e Krimeve të Rënda, ku Vangjush Dako është regjistruar gjatë zgjedhjeve, duke u premtuar ten- dera kriminelëve më të rrezikshëm të Durrësit në këmbim të blerjes së votave. Me Edi Ramën lidhet krimi nëpërmjet Saimir Tahirit, Qazim Sejdinit, Vangjush Dakos, Agron Xhafajt. Drejtësia do të jetë e pafuqishme ndaj tyre derisa në krye të qeverisë të jetë Edi Rama. Vetëm me largimin e Edi Ramës do të ketë garanci për luftën kundër krimit të organizuar”, ka theksuar Paloka. Opozita do të vijojë të përqendrohet edhe gjatë ditëve në vijim në denoncimin e zyrtarëve të lartë të qeverisë, të cilët sipas saj janë të lidhur me krimin. Gjatë mbledhjes së fundit të Grupit Parlamentar demokrat, Basha u ka kërkuar deputetëve të tij të mos e largojnë vëmendjen nga fokusi kryesor i opozitës, duke theksuar se do të vijojë të denoncohet ish- ministri i Brendshëm, Saimir Tahiri, dhe kryebashkiaku i Durrësit, Vangjush Dako.