Denoncimi i PD: Drejtorët e spitaleve, zyrtarë të PS
Spahia: Konkurset një farsë, fituan ish- deputetët
Partia Demokratike denoncon drejtorët e rinj të spitaleve si eksponentë të lidhur ngushtë me Partinë Socialiste.
Deputeti i Partisë Demokratike dhe anëtari i Komisionit të Shëndetësisë në Kuvend, Bardh Spahia, përmes një deklarate për mediat e cilësoi një farsë konkursin e organizuar për drejtorët e spitaleve nga Ministria e Shëndetësisë. Sipas Spahisë, vendimi i Ramës në gusht të vitit 2017 për shkarkimin e të gjithë drejtorëve të spitaleve me pretekstin se ata ishin shkaktarë për keqmenaxhimin e institucioneve që drejtonin ishte i gjithi një shou. Deputeti i PDsë thekson se ky shou u përdor nga Kryeministri që në krye të spitaleve në të gjithë vendin të vendosen njerëz të lidhur ngushtë me Partinë Socialiste, duke nisur nga ishdeputetë, kryetarë të Këshil- lave Bashkiakë dhe eksponentë të socialistëve. “Vazhdon farsa e madhe e Edvin Ramës me shëndetësinë dhe shëndetin e shqiptarëve! Në fund të gushtit 2017, Rama në një shou të paprecedentë kërkoi dorëheqjet e drejtorëve të spitaleve universitare dhe rajonale. Sipas tij, faji për keqmenaxhimin e gjithçkaje në shëndetësi ishte vetëm i tyre. ‘ Nuk mund të ketë më emërime partiake. Nesër ju duhet të jepni dorëheqjen një e nga një. Ekipet e reja do të zgjidhen me konkurs publik’, pati pafytyrësinë të deklaronte Kryeministri. E sot, pas një procesi aspak transparent, u duk sa seriozisht i kishte këto deklarata”, deklaron deputeti i PD- së.
KONKURSI Ditën e hënë, Ministria e Shëndetësisë ka publikuar listën e
fituesve të konkursit për drejtorë të 12 spitaleve më të mëdha të vendit. Konkursi për drejtorët e spitaleve u organizua nga Ministria e Shëndetësisë, ku nuk u përjashtuan nga konkurrimi edhe drejtorët aktualë që kishin pasur drejtimin e spitaleve. Në Qendrën Spitalore Universitare “Nënë Tereza”, pas konkursit, u rikonfirmua si drejtor Enkelejdi Joti. Rikonfirmim kishte edhe në Spitalin Universitar “Shefqet Ndroqi”, ku u rizgjodh Perlat Kapisyzi. Ndërkaq, fitues në konkursin për drejtorin e Spitalit të Traumës u shpall Arben Ze- nelaj. Materniteti “Mbretëresha Geraldinë”, në bazë të pikëve të fituara në konkurs, do të drejtohet nga Eliona Demaliaj, ndërsa materniteti “Koço Glozheni” nga Arben Rrugia. Në Spitalin e Beratit u shpall fitues Eduart Bejko, në atë të Durrësit Alban Ramohitaj, ndërkohë në Fier spitalin e qytetit do ta drejtojë Nevila Shuke. Në Dibër spitali rajonal i këtij qyteti do të drejtohet nga Spartak Koltraka, në Kukës nga Ismet Nika, kurse në Lezhë nga Leon Kaza. Në spitalet rajonale të Gjirokastrës, Korçës, Elbasanit dhe Vlorë, Ministria e Shëndetësisë ka rihapur konkursin për drejtuesit e rinj për shkak se pjesëmarrësit në konkurs nuk përmbushin kriteret.