Rillogaritja e pensioneve, Fehmi Abdiu: Si mund të fitojnë ushtarakët në Gjykatën Kushtetuese
Konduri: Ofensiva duhet të marrë fund, janë rreth 800 ankesa
Pas rrëzimit të padisë nga Kushtetuesja, e vetmja shpresë që u ka mbetur ushtarakëve është Gjykata e Strasburgut.
Pas mbledhjes së mbajtur dje, për të vendosur mbi qëndrimin që do të mbahej pas vendimit të Kushtetueses, e cila la në fuqi vendimin unifikues të Kolegjeve të Bashkuara të Gjykatës së Lartë, kreu i Shoqatës Kombëtare të Ushtarakëve në Rezervë, Thoma Konduri, pohoi se çështja nuk do të mbyllej këtu. Ashtu siç edhe kishin paralajmëruar më herët, shoqatat do t’i drejtohen Strasburgut për të kërkuar të drejtat që u takojnë. “Ne do të vazhdojmë punën tonë në luftën kundër këtij vendimi. Do të mbledhim të gjitha problematikat që kanë ushtarakët, në mënyrë të veçantë dhe do t’i orientojmë në Gjykatën e Strasburgut, duke qenë se kjo gjykatë nuk pranon kërkesa në mënyrë kolektive”. Ndërkohë, gjatë kësaj periudhe do të bëhen të gjitha përpjekjet që të frenohet ngritja e padive në gjykata nga ana e Institutit të Sigurimeve. Për të bërë të mundur këtë, vuri në dukje Konduri, do të përdoren të gjitha mjetet nga shkresat zyrtare në drejtim të institucioneve shtetërore deri edhe te protestat. Sipas tij, janë rreth 800 ankesa të depozituara nga ISSH në Gjykatën e Lartë. “Do të bëjmë të gjitha përpjekjet me organet shtetërore që të frenojnë sigurimet shoqërore të mos e vazhdojnë më këtë ofensivë të ndërmarrë kundër ushtarakëve. Janë mbi 800 ankesa të depozituara nga ISSH- ja në Gjykatën e Lartë”. Shqyrtimi i tyre do të bëhet bazuar në vendimin unifikues të miratuar një vit më parë dhe të kontestuar nga shoqatat. Kjo do të penalizonte ushtarakët duke i vënë përballë detyrimit që të kthejnë që kanë dalë në pension të parakohshëm preken nga vendimi unifikues i Gjykatës së Lartë, miratuar rreth një vit më parë. Kushtetuesja rrëzoi padinë e shoqatave të ushtarakëve për shfuqizimin e këtij vendimi pas paratë e përfituara pas rillogaritjes së pensioneve. Vetëm disa ditë më parë, Kushtetuesja rrëzoi padinë e depozituar nga shoqatat e ushtarakëve. Në argumentet e vendimit thuhej se ushtarakët nuk ishin të legjitimuar për të kërkuar shfuqizimin e vendimit unifikues të Gjykatës së Lartë. Janë rreth 4 mijë ushtarakë të dalë në pension të parakohshëm që preken drejtpërsëdrejti nga vendimi. Prej dy muajsh atyre kanë nisur t’u mbahen lekët nga pensionet. Shumat që ata duhet të kthejnë mbrapsht variojnë nga 2 deri në 37 milionë lekë të vjetër. Por, sipas shoqatave, e keqja më e madhe qëndron në faktin se ushtarakët privohen një herë e mirë nga e drejta për të hapur gjyq, pasi në çdo rast do të dalin të humbur. Pra vendimi, përveçse ka fuqi prapavepruese, është edhe një pengesë për t’iu drejtuar gjykatës.