Meta vlerëson Shtraus me "Dekoratën e Flamurit"
"I vetmi politikan perëndimor që vizitoi Shqipërinë e izoluar"
Kreu i shtetit, Ilir Meta, gjatë vizitës në Këln të Gjermanisë, ka nderuar me dekoratën e lartë të "Flamurit Kombëtar" kryeministrin e Bavarisë, Franz Josef Straus, i cili ka qenë politikani i parë që ka vizituar Shqipërinë në kohën e diktaturës. Franz Josef Strauss ka mbajtur postin e kryeministrit nga viti 1978 deri në vitin 1988 dhe në vitin ' 84 ai ka vizituar Shqipërinë, duke bërë thirrje që në atë kohë për të afruar Shqipërinë me Europën. Gjatë ceremonisë, Meta ia ka dorëzuar dekoratën vajzës së ishkryeministrit Strauss, eurodeputetes gjermane Monika Holhmeier. Dekorata ishkryeministrit Franz Josef Strauss ( pas vdekjes) është dhënë me motivacionin: "Në shenjë vlerësimi dhe mirënjohjeje ndaj mbështetjes dhe ndihmës së vyer dhënë popullit shqiptar për të dalë nga izolimi; për kontributin historik në ripërtëritjen dhe forcimin e miqësisë mes popullit shqiptar dhe popullit gjerman".
MESAZHI
Presidenti Meta, në fjalën e mbajtur me këtë rast në Këln, në kryeqendrën e landit të North Rhinen- Westphalen, u shpreh se: "Tri vite më parë, kur isha në detyrën e kryetarit të Kuvendit të Shqipërisë, m'u dha mundësia e shkëlqyer që të organizoja një ceremoni modeste në kujtim të 30- vjetorit të vizitës së parë në Shqipërinë komuniste të kryeministrit bavarez Franc Jozef Shtraus. Sot jam edhe më shumë i gëzuar që, në cilësinë e Presidentit të Republikës, t'i jap në emër të qytetarëve shqiptarë një vlerësim të posaçëm, këtij personaliteti të madh e të shquar politik jo vetëm për gjermanët, por edhe për shqiptarët. Franc Jozef Shtraus zë një vend të veçantë në memorien tonë kolektive, si i vetmi politikan perëndimor që vizitoi Shqipërinë e izoluar komuniste para rënies së Perdes së Hekurt", ka thënë Presidenti. Për Metën, Strauss ka pasur vizion dhe largpamësi për projektin e madh europian, për të cilin ish- kryeministri ka shkruar dhe në një libër." Sot ne e dimë se guximi dhe vizioni i Shtrausit për të vizituar Tiranën, shoqërohej me një oportunitet të jashtëzakon- shëm, që do të kishte transformuar krejt historinë dhe marrëdhënien tonë me Europën dhe botën. Sot ne e dimë se autori i librit ' Projekti i madh europian' kishte largpamësinë për ta parë kufirin e Europës të shtrirë edhe në Lindje të saj. Pavarësisht këtij stacioni të humbur prej nesh, vizita e Shtraus në Tiranë pa dyshim që përbën gurthemelin e 30- vje- torit të marrëdhënieve diplomatike të rivendosura ndërmjet Shqipërisë dhe Gjermanisë", nënvizoi Presidenti.
MIRËNJOHJA
Presidenti Meta tha se Gjermania është konsoliduar tashmë si partner kyç e strategjik për Shqipërinë, por edhe për sigurinë, paqen dhe begatinë për të gjithë Ballkanin Perëndimor dhe se Gjermania është sot shtëpia e shumë shqiptarëve, të cilët janë integruar më së miri, dhe e përfaqësojnë denjësisht imazhin e vendit të tyre. "Ne jemi mirënjohës për mbështetjen që Gjermania ka dhënë e na jep, për integrimin europian, për të gjithë atë ndihmë të jashtëzakonshme në ekonomi, infrastrukturë, energji, dhe në të gjithë sektorët e tjerë jetikë për një zhvillim të qëndrueshëm social dhe ekonomik dhe për një arsimim profesional, veçanërisht për rininë tonë", theksoi ai. Nga ana e saj, eurodeputetja Holhmeier e falënderoi Presidentin Meta përzemërsisht, edhe në emër të babait të saj të ndjerë, në gjurmët e të cili po vazhdon edhe ajo vetë si eurodeputete, duke forcuar miqësinë gjermano- shqiptare, si dhe duke përkrahur në mënyrë të palëkundur integrimin europian të Shqipërisë.