Siguria rrugore, pezullohen 40 leje drejtimi për 12 orë
Policia ngre alarmin: Bëhen gara shpejtësie në rrugë
Policia Rrugore e Tiranës ka pezulluar plot 40 leje drejtimi për 12 orë kontrolli me radar Drager.
Aksioni i Policisë nisi në fundjavë kundër shkeljeve të rregullave të qarkullimit rrugor. Kështu, sipas njoftimit të Policisë së Tiranës, 35 leje drejtimi janë pezulluar për tejkalim shpejtësie, ndërsa 15 leje drejtimi janë pezulluar për shkelje nga më të ndryshmet si, mosrespektim i semaforit, mosvendosje të rripit të sigurimit, përdorim të celularit etj. Po kështu, 7 automjete janë bllokuar për mosshlyerje të gjobave, ndërsa 2 drejtues mjetesh janë arrestuar, pasi drejtonin në gjendje të dehur. Sipas Policisë, ka pasur edhe një rast të rrezikimit të jetës të punonjësit me uniformë nga një drejtues i papërgjegjshëm. Më konkre- DREJTUES janë penalizuar me masa të ndryshme, nga gjoba deri te heqja e lejes së qarkullimit të mjeteve, në 12 orët e fundit nga Policia Rrugore e Tiranës. tisht, janë vendosur 22 masa administrative për mosvendosje të rripit të sigurimit, ndërsa 17 të tjera janë vendosur për përdorimin e celularit gjatë drejtimit të mjetit. Gjithashtu, janë kontrolluar edhe motoçiklistët, ku 8 prej tyre janë gjobitur për mosvendosje të kaskës mbrojtëse. Gjatë kontrolleve janë evidentuar tri raste të shkeljes së semaforit, ndërsa 6 drejtues mjetesh nuk kishin kaluar testin e kolaudimit të mjetit. NJOFTIMI I POLICISË “Policia Rrugore e Tiranës, gjatë 12 orëve të fundit, ka vijuar kontrollet me Drager dhe radar. Kontrollet janë kryer në rrugët e brendshme të Tiranës për të parandaluar, evidentuar dhe ndëshkuar ata drejtues mjetesh që qarkullojnë me shpejtësi, duke u bërë burim aksidentesh për veten dhe përdoruesit e tjerë të rrugës. Kontrollet Drager janë bërë edhe për të parandaluar, evidentuar dhe ndëshkuar ata drejtues mjetesh që drejtojnë automjetet nën efektin e alkoolit apo në gjendje të dehur. Në drejtim të shpejtësisë në qendrat e banuara, Policia Rrugore konstaton me shqetësim që, në orët e vona të natës, drejtues mjetesh qarkullojnë me shpejtësi dy deri në tri herë më shumë sesa lejon tabela, duke bërë dhe gara shpejtësie. Në këtë kuadër, në orët e para të mëngjesit janë evidentuar 5 raste, ku në një rast është rrezikuar dhe jeta e punonjësve të Policisë Rrugore. Gjatë natës dhe orëve të para të mëngjesit janë pezulluar 25 Leje Drejtimi për dy deri në tri herë më shumë shpejtësi sesa limiti i lejuar në qendrat e banuara. Për sa i përket drejtimit të automjetit nën ndikimin e alkoolit apo në gjendje të dehur, rezulton se kemi një ulje të ndjeshme të drejtimit të automjetit në gjendje të dehur, por edhe të drejtimit të mjetit nën ndikimin e alkoolit. Në këtë kuadër janë arrestuar dy drejtues mjeti në gjendje të dehur. Janë pezulluar 15 Leje Drejtimi për drejtim mjeti nën ndikimin e alkoolit, por jo deri në kufijtë e dehjes”, shkruan njoftimi.