Ujësjellësi i Fierit me 3.8 mln euro debi, në borxh dhe shteti
Institucionet publike, 200 mijë euro fatura të papaguara
Ujësjellësi i Bashkisë së Fierit numëron një shumë prej 3.8 milionë eurosh debi nga abonentë familjarë dhe biznese.
Nga 35 mijë e 500 abonentë që numëron i gjithë Fieri, bashkë me rrethinat, 6 mijë prej tyre janë debitorë. Sa u takon bizneseve, debitori më i madh rezulton të jetë kompania “Armo”, e cila kap një shifër prej 2.2 milionë eurosh. Por në borxh është dhe vetë shteti, pasi institucionet publike i detyrohen ujësjellësit Fier një shumë që shkon në rreth 200 mijë euro. Sipas Drejtorisë së Degës së Shitjes në Ujësjellësin e këtij qyteti, vijojnë kontrollet dhe ndërprerjet e ujit ë pijshëm nga abonentët në Fier. Sipas tyre, vetëm këtë muaj janë kryer mbi 90 prerje të ujit tek abonentë familjarë dhe privatë. Aksioni në fjalë kërkon të reduktojë paligjshmërinë dhe po ashtu edhe të ulë numrin e debitorëve. Prerjet në fjalë shoqërohen me gjoba në rast të rilidhjes së ujit nga abonentët. Deri tani numërohen në total 6 mijë debitorë të ujit. “Po vazhdojmë me kontrolle të rrepta për të mos lejuar asnjë të abuzojë me ujin e pijshëm, por edhe për të ulur debinë e krijuar në vite. Debitorët më të mëdhenj janë “Armo” me 2.2 milionë euro dhe 200 mijë euro institucionet, ndërsa dhe 3.8 mln euro janë debi të abonentëve familjarë dhe bizneset. Debitorët përbëjnë rreth 20% të numrit total të abonentëve ( 35 mijë e 500 abonentë ka i gjithë Fieri dhe rrethinat) për të cilët do të ndiqen e gjithë procedura ligjore për të detyruar të paguajnë debinë”, - vijojnë burimet nga ujësjellësi. Për debitorët e mëdhenj, aktualisht, ka nisur plotësimi i dosjeve të cilat pritet t’i dërgohen Prokurorisë së Fierit. Janë rreth 50 dosje, të MIJE e 500 abonentë numëron i gjithë Fieri bashkë me rrethinat. Nga këta, 6 mijë abonentë rezultojnë debitorë pasi kanë fatura të pashlyera ende, që përbëjnë 20% të gjithë abonentëve cilat konsiderohen si debitë më të mëdha, institucione private dhe publike, të cilave edhe pse u është kërkuar shumë herë të shlyejnë detyrimet, nuk e kanë bërë një gjë të tilla. Pas vizitës së fundit në Fier të Kryeministrit Edi Rama, Drejtoria e Ujësjellësit DOSJE për debitorët kryesorë gati për t’ia dërguar Prokurorisë së Fierit. Pavarësisht se u është kërkuar të shlyejnë detyrimet, nuk kanë reaguar. Vetëm 150 aktmarrëveshje për shlyerjen e borxhit duket se është vënë në lëvizje, ndërsa këtë muaj u lidhën 150 aktmarrëveshje për shlyerje borxhi dhe 136 kontrata të reja, entet e të cilave operonin në treg pa asnjë dokument për përdorimin e ujit të pijshëm, duke qenë prej vitesh ilegjitim në këtë sektor.