Legalizimet, lista zyrtare e 1 mijë përfituesve të rinj
Agjencia e Legalizimeve jep tapitë për 1 mijë ndërtime pa leje. Për fituesit në 12 qarqe. Emrat e 700 pronarëve që marrin 4.6 milionë USD
Pas vendimit të marrë në mbledhjen e fundit të Qeverisë, Drejtoria e Përgjithshme e ALUIZNI- t ka publikuar një ditë më parë listën e plotë të qytetarëve që kanë fituar të drejtën e pronësisë mbi truallin në të cilin kanë ndërtuar pa leje.
Gazeta boton sot emrat e 1 mijë përfituesve në 23 qytete të vendit, për të cilët kanë përfunduar procedurat e kalimit të pronësisë dhe dosja do të dërgohet në Hipotekë për regjistrim. Për të shmangur atë që ka ndodhur përgjatë këtyre muajve të fundit, ku janë konstatuar më shumë se 28 mijë praktika të mbartura, pra leje legalizimi të paregjistruara, Qeveria ka përcaktuar afate konkrete. Kështu, për të finalizuar këtë proces, Zyrat e Regjistrimit të Pasurive të Paluajtshme do të kenë vetëm 5 ditë kohë në dispozicion, nga mo- menti që vendimi hyn në fuqi. "Zyrat vendore të regjistrimit të pasurive të paluajtshme Tiranë, Kavajë, Shkodër, Sarandë, Vlorë, Elbasan, Gramsh, Librazhd, Peqin, Durrës, Krujë, Fier, Mallakastër, Lezhë, Berat, Kuçovë, Kukës, Has, Gjirokastër, Tepelenë, Përmet, Korçë dhe Pogradec të regjistrojnë, brenda 5 ditëve, nga hyrja në fuqi e këtij vendimi, kal- imin e së drejtës së pronësisë së parcelave ndërtimore dhe hipotekën ligjore mbi to", thuhet në pikën 3 të vendimit "Për kalimin e të drejtës së pronësisë mbi parcelat e objekteve të legalizuara dhe kompensimin financiar të pronarëve të pasurive të paluajtshme që preken prej tyre". Bazuar në ligjin e ri, kalimi i pronësisë bëhet për sipërfaqe deri në 500 m ² . Për këtë parcelë aplikohen edhe lehtësirat e parashikuara. Pagesa e truallit është parakusht për të marrë tapinë. Nëse kjo nuk ndodh, atëherë regjistrimi në Hipotekë bëhet me shënim, duke kufizuar qytetarët nga e drejta e transaksioneve.