FAZA E DYTË

Për sa e vështirë ishte faza e parë, shumica e analistëve pajtohen se faza e dytë e negociatave do të jetë shumë më e vështirë. Në atë fazë, Britania dhe Bashkimi Europian do të fillojnë të shqetësohen me detajet më të hollësishme të zgjidhjes së divorcit dhe strukturën e marrëdhënies së ardhshme që Britania, si një vend jo anëtar, do të ketë me Bashkimin Europian. Qeveria britanike duhet të ballafaqohet në negociata me një BE dominuese. vendos protokollet gjyqësore për të mbrojtur të drejtat e tre milionë shtetasve europianë në Britani dhe miliona qytetarëve britanikë në Bashkimin Europian. May arriti marrëveshje me një premtim të njëanshëm, hollësitë e të cilit duhen negociuar më vonë, se Britania nuk do të riv- endoste kontrollet kufitare fizike midis Irlandës së Veriut dhe Republikës së Irlandës, një anëtare e Bashkimit Europian, edhe nëse Britania përfundimisht nuk arrin të ketë një marrëveshje të mirë tregtie me bllokun. Edhe pse u mor i mirëqenë si premtim, kjo pikë i ka lënë pak skeptikë zyr- tarët e BE, duke pasur dyshime në realizimin e kësaj. Sipas “New York Times”, pakti solli një lloj suksesi, në një përpjekje nga qeveria që u karakterizua nga grindjet e brendshme dhe herë pas here poshtëruese dhe përfundimisht, e mbetur e pashpresë për të përkulur Bashkimin Europian në vullnetin e saj. Kryeministrja u ndëshkua nga rezultatet e tmerrshme në zgjedhje, të cilat e lanë znj. May të dobësuar me një qeveri të pakicës dhe pretendentë të shumtë për pozicionin e saj, që vazhdimisht e sulmojnë. May ka deklaruar se Britania nuk do të kërkojë të mbetet anëtare e tregut të vetëm apo bashkimit doganor, duke thënë gjithashtu se ajo dëshiron marrëdhëniet më të mira tregtare me Europën, zona ku shkon shumica e tregtisë së Britanisë.