Tillerson: Do arrijmë paktin e shekullit Izrael- Palestinë
Lavrov: Me Jerusalemin, SHBA qëlloi veten në këmbë
Edhe pse tensionet mbeten të larta në Lindjen e Mesme, të komplikuara pas vendimit të Presidentit amerikan, Donald Trump për njohjen e Jerusalemit si kryeqytet i Izraelit, Sekretari amerikan i Shtetit beson se mund të zgjidhë konfliktin.
Rex Tillerson tha se mund të arrihet marrëveshja e shekullit mes Izraelit dhe fqinjëve arabë. Deklarata u bë gjatë komunikimit të tij me ministrin e Jashtëm rus, Sergej Lavrov, ku çështja e Jerusalemit ishte më e diskutuara. Moska zyrtare po pret për të dëgjuar detajet e planit. Ministri Lavrov është shprehur se, “Rex [ Tillerson] ... më tha se Shtetet e Bashkuara presin të arrijnë marrëveshjen e shekullit, e cila do të zgjidhte problemin palestinezë- izraelitë menjëherë”, tha Sergej Lavrov. “Sigurisht, duam të kuptojmë se si do të ndodhë kjo”, shtoi ai. Palestin- ezët e shohin pjesën lindore të Jerusalemit, aktualisht të pushtuar nga Izraeli, si kryeqytetin e shtetit të tyre të ardhshëm sovran. Izraeli pushtoi pjesën lindore të qytetit, të konsideruar të shenjtë nga fetë e ndryshme në rajon, gjatë Luftës arabo- izraelite të vitit 1967, së bashku me pjesë të mëdha të territoreve palestineze. Okupimi nuk u njoh si i ligjshëm nga asnjë komb tjetër dhe, po ashtu, asnjë komb nuk e ka pranuar deklaratën e Izraelit për Jerusalemin si kryeqytetin e saj, deri më tani. Lavrov ishte mes shumicës së politikanëve të shquar në rang ndërkombëtar, të cilët e kritikuan vendimin e administratës së Trump për njohjen e Jerusalemit si kryeqytet të Izraelit dhe zhvendosjen e Ambasadës Amerikane nga Tel Avivi në Jerusalem. “Fakti është se deklarata shkon kundër të gjitha mar- rëveshjeve të mëparshme”, tha Lavrov duke folur me gazetarët në Vjenë. Sipas tij, administrata Trump ka “qëlluar veten në këmbë” me vendimin, duke minuar strategjinë e tyre të Lindjes së Mesme. “Duke marrë vendimin për të lëvizur Ambasadën Amerikane në Jerusalem, administrata Trump ka minuar përpjekjet e tyre për të normalizuar marrëdhëniet me arabët”, ka deklaruar Lavrov.