Dy pistat e dyshuara, konfliktet e djemve e pronat në bregdet
Aleksandër Ndoka punoi dy vite si jurist në Hipotekë. Hetim dosjeve që mbajnë firmën e tij
Analizimi i provave e pistave paraprake për krimin ku mbeti i vrarë Aleksandër Ndoka, po kryhet nga ekspertë të Krimeve të Rënda në Policinë e Shtetit, kryesuar nga drejtori i kësaj drejtorie, Niko Brahimaj.
Burime nga grupi i hetimit bënë të ditur se janë duke hetuar në disa pista, por dy më kryesoret janë detyrat që ka pasur më administratë Aleksandër Ndoka si dhe konfliktet që kanë pasur dy djemtë e tij në Lezhë. Klajdi e Samuel Ndoka janë përfshirë në disa ngjarje kriminale dhe njiheshin si persona mjaft problematikë dhe që lëviznin të armatosur. Blutë nuk përjashtojnë as konflikte të vetë viktimës, për të cilat është duke u hetuar tashmë.
PISTAT DHE DETYRAT E NDOKES Vëllai i ish- deputetit të PSsë, që u gjet i pajetë ne automjetin e tij, ishte këshilltar në Këshillin Bashkiak të Lezhës, përfaqësues i “Partia Rruga e Lirisë”. Ai e mbante këtë detyrë që prej vitit 2015, madje në mbledhjen e fundit të zhvilluar ai ishte i pranishëm dhe ngriti zërin për pagesat që nuk u janë dhënë kryepleqve. Sipas të dhënave, në vitin 2016 Aleksandër Ndoka ka punuar si jurist në Këshillin e Qarkut. Ndërsa nga viti 2013 deri në vitin 2015 ka punuar si jurist në Hipotekën e Lezhës. Së fundmi, rreth dy muaj më parë mësohet se Aleksandër Ndoka ishte emëruar si kryeinspektor i IKMT- së për Veriun.
Grupi i hetimit nuk përjashton dyshimin se ngjarja mund të ketë lidhje me detyrat e Ndokës. Por më e mundshmja vlerësohet ndonjë konflikt i akumuluar që në periudhën kur ai ka punuar në Hipotekë. Në qarkun e Lezhës, mjaft prona, kryesisht në bregdet, janë në procese gjyqësore dhe në konflikt mes pronarësh. Ndaj, sipas burimeve, pritet që të hetohen praktikat e dosjeve të këtyre pronave të Hipotekës së Lezhës, të cilat mbajnë firmën e Aleksandër Ndokës.
Blutë nuk përjashtojnë as pista të tjera, që kanë të bëjnë me konflikte së fundmi të tij, por deri më tani nuk ka asnjë të dhënë konkrete për indicie hetimi në këtë drejtim. Kjo, pasi 48- vjeçari rezulton se nuk ka probleme me ligjin. Ai nuk ka precedentë dhe në formularin e dekriminalizimit rezulton i pastër. Por ndryshe paraqitet skeda e dy djemve të tij, Klajdi e Samuel Ndoka, çka përforcon dyshimin e Policisë se pikërisht precedentët kriminale të dy djemve të tij mund të jenë shkak i atentatit ndaj tij. Dy djemtë njiheshin në Lezhë si mjaft problematikë dhe lëviznin të armatosur. Njëri prej tyre, Samueli, aktualisht është i arrestuar për ngjarjen e ndodhur në ditën e zgjedhjeve ku ai plagosi një aktivist të LSI- së. Në momentin e arrestimit, atij iu sekuestrua edhe armë. Ndërsa djali tjetër, Klajdi Ndoka, është shpallur në kërkim nga Policia për të njëjtën ngjarje. Një tjetër pistë, që nuk përjashtohet, ka të bëjë ( ndonëse hetimorët nuk e kanë vlerësuar si të mundshme), me implikimin e mundshëm të të vëllait, ish- deputetit Arben Ndoka në veprimtaritë kriminale në Itali. Ai dha dorëheqjen, pikërisht për shkak se u akuzua nga PD- ja si i dënuar për shfrytëzim prostitucioni. Blutë thanë se nuk përjashtojnë asnjë pistë dhe se gjatë hetimit, bazuar edhe në provat që do të mbledhin, do të vlerësojnë ato si më të mundshmet. Blutë nuk përjashtojnë faktin se vrasësit kanë qenë të paguar. EKSPERTE NGA KRIMET E RENDA Deri në orët e vona, në Drejtorinë e Policisë së Lezhës, është zhvilluar një analizë e hollësishme në lidhje me ngjarjen, analizë e kryesuar nga drejtori për Krimet e Rënda në Policinë e Shtetit, Niko Brahimaj. “Një grup i posaçëm hetimor me Specialistë të Hetimit të Krimeve të Rënda në Drejtorinë e Përgjithshme të Policisë së Shtetit, në bashkëpunim me Drejtorinë Vendore të Policisë Lezhë dhe me Prokurorinë e Rrethit, është duke punuar për këtë qëllim. Nga Strukturat e Drejtorisë Vendore të Policisë Lezhë, të mbështetura dhe nga shërbimet FLO Shkodër, është krehur e gjithë zona për të bërë të mundur gjetjen dhe sekuestrimin e provave të tjera materiale, si dhe po administrohen të gjitha pamjet filmike të kamerave të sigurisë, të vendosur nga objekte dhe biznese private. Policia po analizon dhe për-
Grupi i hetimit nuk përjashton dyshimin se ngjarja mund të ketë lidhje me detyrat e Ndokës. Por më e mundshmja vlerësohet ndonjë konflikt i akumuluar që në periudhën kur ai ka punuar në Hipotekë. Në qarkun e Lezhës, mjaft prona, kryesisht në bregdet, janë në procese gjyqësore dhe në konflikt mes pronarësh
punon me kujdes të gjitha provat materiale të administruara në vendngjarje si dhe në ambiente të tjera që lidhen me të, nëpërmjet laboratorit shkencor dhe te gjitha potencialeve policore. Në vijim të veprimeve për zbulimin dhe dokumentimin e autorëve, deri tani janë shoqëruar 8 shtetas. Materialet i kaluan për ndjekje të mëtejshme Prokurorisë Rrethit Gjyqësorë Lezhë, për veprat penale të parashikuara nga nenet 78/ 278 të Kodit Penal ‘ Vrasje me paramendim’ dhe ‘ Mbajtje pa leje e armeve të zjarrit dhe municioneve luftarake’”, thuhej në njoftimin e dhënë nga Policia e Shtetit.