Abuzimi me legalizimet në Sarandë, padi për ish- drejtorin

KLSH: Legalizime në zonat e mbrojtura, dëmi 48.9 milionë lekë

Nga auditi i ushtruar përgjatë 2014- s dhe 6- mujorin e parë të këtij viti, janë vërejtur një sërë shkeljesh dhe parregullsish ligjore, të cilat kanë shkaktuar një dëm financiar në vlerën e 48.9 milionë lekëve. Në pjesën më të madhe të rasteve kanë vijuar procedurat e legalizimit pa u arkëtuar tarifa e ndikimit në infrastrukturë, që vilet nga bashkitë. Ndër të tjera, raporti i KLSH- së vëren se janë legalizuar në kundërshtim me ligjin, 45 objekte në Parkun e Butrintit si edhe në afërsi të vijës bregdetare, konkretisht në Sarandë dhe Borsh duke mos respektuar distancën e përcaktuar me ligj. Po ashtu janë mbyllur procedurat për më shumë se 1800 dosje pa dhënë asnjë argument mbi ndërprerjen e praktikës. “Kanë kryer legalizime në zona të ndaluara me ligj, në zonën arkeologjike të Butrintit dhe në zona të mbrojtura mjedisore, afër rrugës kryesore, afër bregdetit, lumenjve, kanaleve kryesore, pa dokumentacion, duke shmangur pagesat e detyrimeve financiare si dhe duke mos arkëtuar të ardhura të taksës për infrastrukturën, në vlerën 48.9 milionë lekë”, thuhet në njoftim. Krahas tyre, KLSH ka kërkuar nga drejtoria e përgjithshme e ALUIZNI- t, të ndërmerren masa administrative edhe ndaj 11 punonjësve aktualë të zyrës rajonale, Sarandë. Në Prokurori janë dërguar edhe ish- kryetari i komunës Margegaj, Tropojë, bashkë me përgjegjësen e financave dhe një specialiste. Nga kontrolli i kryer për periudhën 2013- 2015, janë konstatuar shkelje dhe parregullsi të dispozitave ligjore në fuqi në fushën e prokurimit publik me vlera të vogla dhe pagesa të paargumentuara e të pajustifikuara me dokumentacion duke shkaktuar një dëm ekonomik të konsiderueshëm prej 12.5 milionë lekë financave të ish- komu- nës. “KLSH ka kryer pranë Prokurorisë së Rrethit Gjyqësor Tropojë, kallëzim penal ndaj R. B., me detyrë ish- Kryetar i Komunës, ndaj Z. I., me detyrë Përgjegjëse e Financës dhe ndaj Z. I., me detyrë Specialiste në cilësinë e arkëtares, për konsumimin e elementëve të veprave penale të “Shpërdorimit të detyrës”, nënvijëzohet në raport.