PD feston 27- vjetorin e themelimit, ftesa edhe për PS- në dhe LSI- në
Partia Demokratike do të festojë sot në Pallatin e Kongreseve 27- vjetorin e themelimit të saj. PD ka përfunduar shpërndarjen e ftesave për ceremoninë që do të zhvillohet në orën 18: 00 dhe në të cilën pritet të marrin pjesë personalitetet më të larta të Partisë Demokratike që nga krijimi i saj. "Kryetari i Partisë Demokratike z. Lulzim Basha ka nderin t'ju ftojë në pritjen e organizuar me rastin e 27- vjetorit të themelimit të Partisë Demokratike të Shqipërisë. E hënë, 11 dhjetor 2017, ora 18: 00 në Pallatin e Kongreseve Tiranë", shkruhet në ftesat e firmosura nga kryedemokrati Basha për ceremoninë e sotme. Burime nga Partia Demokratike pohojnë se ftesa për këtë 27- vjetor të themelimit të PD- së kanë shkuar edhe për Partinë Socialiste dhe Lëvizjen Socialiste për Integrim. Të kontaktuar nga "Panorama", eksponentë të lartë të Partisë Socialiste kanë konfirmuar se do të kenë përfaqësuesin e tyre në këtë përvjetor të demokratëve, por emri pritet të vendoset gjatë mbledhjes së sotme të Grupit të PS. Ndërkohë që LSI, pas bashkëpunimit të fundit të nisur me PD- në përmes Fronit Opozitar, pritet të përfaqësohet në nivelet më të larta në ceremoninë e 27- vjetorit të PDsë përmes kryetares Monika Kryemadhi dhe kreut të Grupit të LSI- së, Petrit Vasili. Burime nga PD bëjnë me dije se ftesa janë dërguar për të gjithë themeluesit, personalitetet dhe kontribuuesit ndër vite për forcën kryesore të së djathtës në vend. Ky 27vjetor i gjen demokratët me zhvillime të rëndësishme brenda tyre, ku pas humbjes së zgjedhjeve të 25 qer- shorit, disa rryma brenda PD- së kanë kërkuar ndryshime të forta statusore dhe largimin e kreut të PD- së, Lulzim Basha. Kreu i PD- së ka deklaruar se gjatë muajve në vazhdim, në përfundim të analizës së brendshme që po kryhet për humbjen në zgjedhjet parlamentare, do të nisë një proces për hapjen dhe bashkimin e partisë. Bashkimin e demokratëve e ka kërkuar publikisht edhe lideri historik i PD- së, Sali Berisha, i cili në disa dalje publike u ka kërkuar ish- funksionarëve të lartë të PD- së të lënë mëritë dhe të bashkëpunojnë për fitoren e PDsë në zgjedhjet e ardhshme.