Protestat kundër vendimit të Trump
Kryeministri i Izraelit ka thënë se palestinezët duhet të mësohen me realitetin, se Jerusalemi është kryeqyteti i Izraelit, në mënyrë që të lëvizin drejt paqes dhe ka shpërfaqur një “sherr” me shkëmbime të shëmtuara deklaratash me Presidentin turk, Recep Tayip Erdogan.
Benjamin Netanyahu tha se Jerusalemi ishte kryeqyteti i Izraelit prej 3,000 vitesh dhe nuk kishte qenë kurrë kryeqyteti i asnjë populli tjetër. Ai foli në një kohë kur po mbahen protesta të vazhdueshme në botën myslimane dhe arabe, pas vendimit të SHBA për ta njohur Jerusalemin si kryeqytet të Izraelit. Dhuna shpërtheu në afërsi të Ambasadës amerikane në Liban dhe gjetkë, të dielën. Duke folur në Paris pas bisedimeve me presidentin francez, Emmanuel Macron, Netanyahu tha se, “përpjekjet për të mohuar lidhjen mijëvjeçare të popullit hebre në Jerusalem, janë absurde. Ju mund ta lexoni këtë në një libër shumë të mirë, quhet Bibla. Ju mund ta dëgjoni atë në historinë e komuniteteve hebraike nëpër diasporën tonë ... Ku tjetër është kryeqyteti i Izraelit, përveçse në Jerusalem?”. Sipas tij, “Sa më shpejt që palestinezët ta pranojnë këtë realitet, aq më shpejt do të shkojmë drejt paqes.” Jerusalemi deri tani ishte trajtuar me një politikë neutrale nga SHBA, prej të paktën shtatë dekadash. Vendimi i Trump e përmbysi këtë politikë mbi qytetin, që ka qenë në zemër të konfliktit me palestinezëve dhe izraelitëve. Në qytet ka disa zona që njihen si të shenjta nga judaizmi, islami dhe kristianizmi, veçanërisht në Jerusalemin Lindor. Izraeli gjithnjë e ka parë Jerusalemin si kryeqytetin e tij, ndërsa palestinezët pretendojnë se Jerusalemi Lindor do të jetë Ka pasur shumë protesta në botë kundër vendimit të Trump për ta njohur Jerusalemin si kryeqytet të Izraelit. Të dielën ka pasur protesta në Bejrut, ku Policia përdori ujë me presion për të ndaluar qindra protestues të afroheshin në Ambasadën Amerikane. Po ashtu ka pasur protesta në Kajro të Egjiptit dhe Rabat, kryeqyteti i Marokut. Protesta me mijëra vetë ka pasur edhe në Xhakarta, Indonezi. Dhe në Suedi është hedhur një objekt që digjej në një sinagogë. Protestat nuk kanë reshtur që nga e premtja as në territoret ku jetojnë palestinezë. Janë raportuar katër viktima gjatë së premtes dhe së shtunës, por numri i plagosurve ka kaluar në qindra vetë. kryeqyteti i një shteti të ardhshëm palestinez. Në Turqi, Presidenti Recep Tayyip Erdogan tha para një tubimi të madh në Stamboll se, ai nuk do ta braktiste Jerusalemin te një shtet që vret fëmijë. Ndërsa Netanyahu tha se lideri turk kishte sulmuar Izraelin. “Unë nuk jam mësuar të marr leksione mbi moralin nga një lider që bombardon fshatrat kurde në Turqi, që burgos gazetarët, ndihmon Iranin të kalojë sanksionet ndërkombëtare dhe ndihmon terroristët, përfshirë ata në Gaza, që të vrasin njerëz të pafajshëm.” Erdogan e ka përshkruar Jerusalemin si çështje e “vijës së kuqe” për myslimanët dhe ka paralajmëruar se Turqia mund të ndërpresë marrëdhëniet diplomatike me Izraelin mbi këtë çështje. Turqia dhe Izraeli i kanë rivendosur marrëdhëniet e tyre diplomatike vetëm vitin e kaluar, gjashtë vite pasi Turqia i ndërpreu ato në protestë të vrasjes së nëntë aktivistëve turq pro palestinezë, kur komandot izraelite hipën në një anije, që po përpiqej të kalonte bllokadën izraelite në Gaza.