I SËMURI MENDOR
Një 20- vjeçar, i dënuar dy herë për vjedhje, ka tentuar të vrasë veten, pasi i ati nuk e ka lejuar të futet në shtëpi për të takuar nënën.
Ngjarja ka ndodhur mbrëmjen e së martës në Bathore të Tiranës, kur në gjendje të rëndë psikologjike dhe i mërzitur nga refuzimi i babait, i riu ka prerë damarët e të dy krahëve. Burime nga Policia thanë se ngjarja ka ndodhur në banesën e Ismet Miklit, i cili është arrestuar për shkaktim vetëvrasje. Ndërsa djali i tij, Florin Mikli është dërguar me urgjencë në Spitalin e Traumës, ku pas ndërhyrjes së mjekëve e ka kaluar rrezikun për jetën. Burimet thanë se i arrestuari, Ismet Mikli e kishte dëbuar nga shtëpia të birin, 20- vjeçarin Florin Mikli, për shkak se ai kishte kryer vjedhje dhe ishte dënuar dy herë nga drejtësia shqiptare. Prej momentit kur i riu kishte përfunduar dënimin e dytë për vjedhje, i ati nuk e kishte lejuar të kthehej në shtëpi, pasi e kishte “falur” për rastin e parë. Për këtë arsye, ai nuk e lejonte as që të takonte familjarët e tjerë.
NGJARJA Florin Mikli, i cili ishte refuzuar disa herë nga i ati për t’u rikthyer në shtëpi, ka tentuar të takojë të ëmën, Sonila Mikli, mbrëmjen e së martës. Rreth orës 19: 00, ai ka shkuar në shtëpinë e tij në Bathore, por i ati, Ismet Mikli, i cili e ka parë tek dera, ka debatuar me djalin dhe nuk e ka lejuar të futet brenda. Pas refuzimit të të atit dhe i mërzitur nga debati me të, i riu ka tentuar të vrasë veten, duke prerë me thikë damarët e duarve. “U arrestua në flagrancë shtetasi Ismet Mikli, 40 vjeç, banues në Bathore, pasi rreth orës 19: 00, në banesë, duke mos e lejuar të takojë nënën e tij dhe të qëndrojë në banesë, ka shtyrë në vetëvrasje, duke prerë damarët nga mërzia, të birin Florin Mikli, 20 vjeç, banues në Bathore, i cili pas mjekimit në Spitalin e Traumës ndodhet jashtë rrezikut për jetën dhe është larguar për në banesë. Neni 99 i Kodit Penal”, tha zyrtarisht Policia.
ISH I DENUARI Burime nga Policia e Tiranës thanë dje se 20- vjeçari Florin Mikli rezulton i proceduar disa herë për vjedhje. Në një rast edhe për vjedhje në bashkëpunim të një banese në Paskuqan. Për këtë ngjarje ai është dënuar në mungesë nga Një i sëmurë mendor ka tentuar të vrasë veten mbrëmjen e së martës, në zonën e Babrrusë në Tiranë. Burimet thanë se ai ka prerë damarët dhe është dërguar në spital ku ndodhet jashtë rrezikut për jetën. “Më datë 12 dhjetor, rreth orës 19: 30, në spitalin ‘ Nënë Tereza’, ka shkuar i shoqëruar nga familjarët, në gjendje të rëndë shëndetësore shtetasi V. Sh, 52 vjeç, banues në Babrru. Nga veprimet e kryera rezultoi se ky shtetas kishte prerë damarët në banesën e tij, pasi vuan nga probleme mendore”, tha zyrtarisht Policia. Gjykata e Tiranës në vitin 2015, me një vit e gjysmë heqje lirie. Ndërsa më vonë, pasi ka kryer këtë dënim, i riu i është rikthyer sërish vjedhjeve. Më 12 gusht të vitit 2016 ai është arrestuar sërish nga Policia e Tiranës, për vjedhjen e banesës së një gruaje në Kamzë.